اسلام آباد: زیراعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے خبردار کہا ہے کہ بجـٹ پاکستان اور اس کے عوام کے لیے ہے۔ انہوں نے واضح کیا کہ بجٹ کی منظوری آئینی تقاضہ و ملکی ضرورت ہے۔ انہوں نے خبردار کیا کہ اپوزیشن بجٹ پر سیاست کرکے آئین کا راستہ روک رہی ہے۔
ہم نیوز کے مطابق ڈاکٹر فردوس عاشق اعوان نے یہ بات سماجی رابطے کی ویب سائٹ ’ٹوئٹر‘ پر جاری کردہ اپنے پیغام میں کہی ہے۔
بجٹ پاکستان اور اس کے عوام کے لیے ہے۔اس کی منظوری آئینی تقاضہ اور ملکی ضرورت ہے۔اپوزیشن اس پر سیاست کر کے آئین کا راستہ روک رہی ہے۔
— Firdous Ashiq Awan (@Dr_FirdousPTI) June 17, 2019
وزیراعظم کی معاون خصوصی نے اپنے پیغام میں کہا کہ ملک کی گورننس اور اداروں کی ورکنگ بجٹ کی منظوری سے جڑی ہوئی ہے۔
ملکی گورننس اور اداروں کی ورکنگ بجٹ کی منظوری سے جڑی ہوئی ہے۔پارلیمان کا چلنا اور اپوزیشن کی تنخواہیں بھی بجٹ کی منظوری سے آتی ہیں۔ ملکی معیشت کا بیڑہ غرق کرنے والے کیا عوام کو مزید تباہ حال کرنا چاہتے ہیں ؟
— Firdous Ashiq Awan (@Dr_FirdousPTI) June 17, 2019
ڈاکٹر فردوس عاشق اعوان نے کہا کہ پارلیمان کا چلنا اور اپوزیشن کی تنخواہیں بھی بجٹ کی منظوری سے آتی ہیں۔
اپوزیشن کو شدید تنقید کا نشانہ بناتے ہوئے معاون خصوصی برائے اطلاعات و نشریات نے سماجی رابطے کی ویب سائٹ پر جاری کردہ اپنے پیغام میں استفسار کیا کہ کیا ملکی معیشت کا بیڑہ غرق کرنے والے عوام کو مزید تباہ حال کرنا چاہتے ہیں ؟