وشنگٹن: امریکہ کے صدر ڈونلڈ ٹرمپ نے اپنی روایتی ’دشمنی‘ کا ثبوت دیتے ہوئے تجویز پیش کی ہے کہ لندن کو فوری طور پر ایک نئے میئر کی ضرورت ہے۔ خود کو دنیا کے سامنے جہوریت کا علمبردار قراردینے والے امریکہ کے صدر نے برطانوی دارالحکومت کے منتخب میئر صادق خان کو تباہی کے مترادف قرار دیتے ہوئے الزام عائد کیا ہے کہ وہ لندن کو تباہ کردیں گے۔
امریکی صدر ٹرمپ تین روزہ سرکاری دورے پر برطانیہ پہنچ گئے
ڈونلڈ ٹرمپ نے اپنے حالیہ دورہ برطانیہ میں دیے جانے والے ’ریڈ کارپٹ‘ استقبال کی مخالفت کرنے اور اسے برطانوی روایت کے منافی قرار دینے والے میئر صادق خان سے اپنی ’پرخاش‘ کا ثبوت دیتے ہوئے لندن میں وقوع پذیر ہونے والے پرتشدد واقعات پراظہار ہمدردی کرنے کے بجائے ’طنزیہ انداز‘ میں سماجی رابطے کی ویب سائٹ ’ٹوئٹر‘ پر ’فقرے بازی‘ کی ہے۔
لندن میں پیش آنےوالے پرتشدد واقعات میں ایک ہی دن کے اندر تین افراد ہلاک اور تین زخمی ہوئے ہیں۔
LONDON needs a new mayor ASAP. Khan is a disaster – will only get worse! https://t.co/n7qKI3BbD2
— Donald J. Trump (@realDonaldTrump) June 15, 2019
امریکہ کے صدر نے اس سے قبل بھی لندن کے میئر صادق خان کو اپنے ٹوئٹ پیغام میں سخت تنقید کا نشانہ بنایا تھا۔
لندن کے میئر صادق خان نے پرتشدد واقعات پر اپنے ٹوئٹر پیغام میں کہا ہے کہ مجرمانہ تشدد کی ہمارے ملک میں کوئی جگہ نہیں ہے اور میرے لیے اہل لندن کی حفاظت کو یقینی بنانے سے زیادہ اہمیت کسی اور چیز کی نہیں ہے۔
Violent crime has no place in our city, and there’s no higher priority for me than Londoners’ safety. Our @MetPoliceUK Violent Crime Task Force are working round the clock to catch offenders & remove dangerous weapons from our streets. https://t.co/sJkKIadP4N
— Mayor of London (@MayorofLondon) June 16, 2019
میئر صادق خان کے ترجمان نے اپنے جوابی پیغام میں کہا ہے کہ میئر اس مشکل گھڑی میں متاثرین کے ساتھ ہیں، وہ اپنا وقت ٹوئٹس کا جواب دینے میں ضائع نہیں کریں گے اورکسی بحث میں پڑنے کے بجائے اپنے کام پر توجہ دینا زیادہ ضروری سمجھتے ہیں۔
Absolutely awful to see @realDonaldTrump using the tragedy of people being murdered to attack the Mayor. @SadiqKhan is rightly supporting the police to do their job while Katie Hopkins spreads hateful and divisive rhetoric. They seek to divide at a time we need to come together. https://t.co/Se3fgWDXUZ
— Jeremy Corbyn (@jeremycorbyn) June 15, 2019
لیبر پارٹی کے رہنما اور اپوزیشن لیڈر جیریمی کوربن نے صدر ٹرمپ کے بیان کو انتہائی ’ناگوار‘ قرار دیتے ہوئے کہا ہے کہ ٹرمپ ہلاک ہونے والے افراد کے المیے کو میئر پر تنقید کرنے کے لیے استعمال کر رہے ہیں۔
لندن کے میئرصادق خان پاکستانی نژاد مسلمان برطانوی شہری ہیں۔