راولپنڈی: آرمی چیف جنرل قمر جاوید باجوہ نے کہا ہے کہ مسیحی برادری نے پاکستان کی تعمیر و ترقی میں اہم کردار ادا کیا ہے۔
آرمی چیف جنرل قمر جاوید باجوہ کرسمس کی تقریب میں شرکت کے لیے اپنی اہلیہ کے ہمراہ کرائسٹ چرچ پہنچ گئے جہاں اُن کا پرتباک استقبال کیا گیا۔ آرمی چیف نے مسیحی برادری کو کرسمس کی مبارکباد پیش کی۔
آرمی چیف نے اس موقع پر کہا کہ مسیحی برادری نے پاکستان کی بنیاد رکھی تھی اور ملکی دفاع میں بھی مسیحی برادری کا کردار قابل تعریف ہے۔
انہوں نے کہا کہ تعلیم، صحت اور سماجی بہبود کے لیے مسیحی برادری کا اہم کردار رہا ہے جب کہ یہ افواج پاکستان کا بھی حصہ ہیں۔
کرسمس کی تقریب میں شرکت پر مسیحی برادری نے آرمی چیف کا شکریہ ادا کیا۔
