راولپنڈی:ڈپٹی کمیشنر راولپنڈی نے کہا ہے کہ کسی کو قانون ہاتھ میں لینے کی اجازت نہیں دی جائے گی اور خلاف ورزی کرنے والے کے خلاف قانونی کارروائی عمل میں لائی جائے گی۔
عمر جہانگیر نے عوام کو آگاہ کیا ہے کہ شہر کے تمام داخلی و خارجی راستوں پر کوئی رکاوٹ نہیں۔
ڈپٹی کمیشنر اسلام آباد نے بھی ایک ٹویٹ میں کہا ہے کہ اسلام آباد کی تمام سڑکیں اور راستے کھلے ہیں۔
All roads of Islamabad are open for traffic. Commuters may travel as per their schedule. Rangers and Police is deployed for security and to maintain law and order. Strict action is to be taken against anyone who tries to breach the law or disturb public tranquility
— Deputy Commissioner Islamabad (@dcislamabad) November 24, 2018
انہوں نے کہا ہے کہ امن و امان بحال رکھنے کیلئے پولیس اور رینجرز کی نفری تعینات کی گئی ہے قانون توڑنے اور عوامی امن خراب کرنے والوں کے خلاف سخت کارروائی کی جائے گی۔
قبل ازیں ڈپٹی کمیشنر نے ایک ٹویٹ میں کہا تھا کہ برائے مہربانی افواہوں پر یقین نہ کریں، اسلام آباد انتظامیہ اور پولیس آپ کی حفاظت پر معمور ہے۔
اسلام آباد کی تمام سڑکیں اور راستے کھلے ہیں ۔ ٹریفک معمول کے مطابق رواں ہے ۔ برائے مہربانی افواہوں پر یقین نہ کریں ۔ اسلام آباد انتظامیہ اور پولیس اپ کی حفاظت پر معمور ہے
— Deputy Commissioner Islamabad (@dcislamabad) November 23, 2018
خیال رہے کہ گزشتہ شب تحریک لبیک پاکستان کے رہنما خادم حسین رضوی کی گرفتاری کے بعد ملک بھر میں دھرنوں اور احتجاج کی کال دی گئی تھی۔
مذہبی جماعت کی جانب سے احتجاج کی کال کے بعد حکومت نے صورتحال کنٹرول کرنے کیلئے مانیٹرنگ سیل بھی بنایا تھا جب کہ فیض آباد انٹرچینج پر پولیس اور رینجرز کے 120 جوان تعینات کیے گئے تھے۔
