برلن: امریکہ ”انٹرمیڈیٹ رینج نیوکلیر فورسز” کے معاہدے سے دستبردار ہوگیا ہے جس کی وجہ سے یورپ اورامریکہ میں کشیدگی میں مزید اضافہ ہوا ہے۔
سرد جنگ کے بعد یہ معاہدہ جوہری ہتھیاروں کی روک تھام کا سب سے پراثر قانون تھا۔ امریکہ کی اس معاہدے سے دستبرداری نے امریکہ اور یورپی یونین میں مزید کشیدگی بڑھا دی ہے۔
اس سے قبل امریکہ ایران کے ساتھ جوہری پھیلاؤ کے معاہدے سے بھی دستبردار ہو گیا تھا جبکہ دیگر ممالک نے معاہدے کو برقرار رکھا لیکن اس پر بھی یورپ کی جانب سے اظہار برہمی کیا گیا تھا۔
حالیہ امریکی اقدام پر جرمن وزیر خرجہ نے کہا ہے کہ امریکہ کی دستبرداری کے باوجود اس معاہدہ کو برقرار رکھا جائے گا اور اس بات کو نیٹومیں بھی اٹھایا جائے گا جبکہ فرانس نے بھی اس فیصلے کی مذمت کی ہے۔
اس معاہدے کے تحت کوئی بھی رکن ملک ایک دوسرے سے 500 سے 5,500 کلومیٹر کی حدود میں کوئی اٹیمی ہتھیار نہیں رکھ سکتے نہ ہی ان ہتھیاروں کا کوئی اڈا بنا سکتے ہیں۔
گزشتہ سالوں میں امریکہ اور روس نے ایک دوسرے پر کئی مرتبہ الزامات عائد کیے کہ وہ اس معاہدے کی خلاف ورزی کر رہے ہیں۔
