راولپنڈی/اسلام آباد: امریکی سفیر ڈیوڈ ہیل نے آرمی چیف جنرل قمر جاوید باجوہ اور وفاقی وزیر خارجہ شاہ محمود قریشی سے الوداعی ملاقات کی۔
پاک فوج کے شعبہ تعلقات عامہ ( آئی ایس پی آر ) کے مطابق امریکی سفیر نے پاک فوج کی امن کے حوالے سے کی جانے والی کوششوں کو سراہا جبکہ آرمی چیف نے امریکی سفیر کی پاکستان میں خدمات پر اُن کا شکریہ ادا کیا۔
Outgoing US Ambassador in Pakistan, Amb David Hale, paid a farewell call on COAS. Army Chief thanked Amb for his services in Pakistan and acknowledged his contributions towards Pak-US relations. Amb thanked COAS for contributions of Pak Army towards regional peace and stability.
— Maj Gen Asif Ghafoor (@OfficialDGISPR) August 24, 2018
امریکی سفیر ڈیوڈ ہیل نے وفاقی وزیر خارجہ شاہ محمود قریشی سے الوداعی ملاقات میں اُنہیں وزیر خارجہ بننے پر مبارک باد پیش کی۔
وزیر خارجہ نے ڈیوڈ ہیل کو امریکی محکمہ خارجہ میں بطور انڈر سیکرٹری تقرری پر مبارک دی جبکہ امریکی سفیر نے وزیر خارجہ کی سابق دور میں دونوں ممالک کو قریب لانے کی کوششوں کو سراہا۔
وفاقی وزیر خارجہ شاہ محمود قریشی نے کہا ہے کہ امریکی قیادت سے دیانت داری اور خلوص پر مبنی تعلقات چاہتے ہیں۔ پاکستان اور خطہ کے حالات سمجھنے والے فرد دونوں ممالک میں مثبت کردار ادا کرسکتے ہیں۔