اسلام آباد: وزیراعلیٰ پنجاب مریم نواز نے بیماریوں سے لڑنے والی خواتین کی خاموش جدوجہد سے متعلق ایک پیغام جاری کیا ہے۔ ان کا یہ بیان ایسے وقت میں سامنے آیا ہے جب ان کے شوہر کیپٹن (ر) محمد صفدر کی خواتین میں کینسر سے متعلق متنازع گفتگو کی ویڈیو سوشل میڈیا پر تنقید کی زد میں ہے۔
مریم نواز نے سماجی رابطے کی ویب سائٹ ایکس پر اپنے پیغام میں لکھا کہ یہ دل توڑ دینے والی بات ہے کہ ایک عورت اور بیوی بند دروازوں کے پیچھے کن خاموش جنگوں سے گزرتی ہے۔ اسے اس وقت بھی ہمت جمع کرنا پڑتی ہے جب وہ اندر سے ٹوٹ رہی ہوتی ہے۔ کچھ جنگیں خاموشی سے لڑی جاتی ہیں اور کچھ زخم دکھائی نہیں دیتے۔
Heartbreaking. 💔
The silent battles a woman, a wife, fights behind closed doors… The strength she must find even when she feels like breaking. Some battles are fought in silence, and some wounds are invisible. 💔— Maryam Nawaz Sharif (@MaryamNSharif) October 30, 2026
مریم نواز نے اپنی پوسٹ میں کیپٹن صفدر کا نام نہیں لیا۔
یہ تنازع اس وقت شروع ہوا جب کیپٹن (ر) صفدر کی ایک ویڈیو سامنے آئی، جس میں وہ ایک مذہبی اجتماع سے خطاب کرتے ہوئے خواتین میں کینسر کے مرض پر گفتگو کر رہے تھے۔ اس دوران انہوں نے ’میرا جسم میری مرضی‘ کے نعرے کا حوالہ بھی دیا۔
وائرل ویڈیو میں کیپٹن صفدر کو یہ کہتے سنا جا سکتا ہے کہ “میں کہتا ہوں کہ اگر جسم تمہارا ہے تو مرضی بھی تمہاری ہے۔ پھر جب وہ بیمار ہوتی ہیں اور انہیں کینسر ہو جاتا ہے تو کوئی کہتا ہے کہ اس حصے کا کینسر ہے اور کوئی کہتا ہے کہ اس حصے کا کینسر ہے۔ اگر جسم تمہارا ہے تو اس کا علاج بھی خود کرو۔ جسم تو اللہ کا دیا ہوا ہے نا؟ پھر اس وقت کہتے ہیں کہ مولوی صاحب میرے لیے دعا کریں، پانی پر دم کردیں۔”
سوشل میڈیا صارفین نے ان کے بیان کو کینسر کے مریضوں کے لیے غیر حساس اور توہین آمیز قرار دیتے ہوئے تنقید کی۔
ایک صارف نے ویڈیو شیئر کرتے ہوئے نشاندہی کی کہ کیپٹن صفدر کی ساس بیگم کلثوم نواز بھی طویل عرصے تک کینسر کے مرض میں مبتلا رہنے کے بعد ستمبر 2018 میں انتقال کر گئی تھیں۔
Maryam Nawaz’s husband, Captain Safdar, also lost his mother-in-law to cancer, yet here he is mocking women who are battling cancer. https://t.co/1Z6Lg5boSX
— خان (@khantainer) October 30, 2026
مریم نواز کی پوسٹ کے بعد متعدد سوشل میڈیا صارفین نے کینسر سے متاثرہ خواتین کے ساتھ ہمدردی کا اظہار کرتے ہوئے ان کے مؤقف کی حمایت کی۔
صحافی اجمل جامی نے لکھا کہ ان کی والدہ بھی کینسر کی مریضہ رہی ہیں اور اللہ جانتا ہے کہ ان کے خاندان نے وہ مشکل وقت کیسے گزارا۔ ان کا زندہ بچ جانا کسی معجزے سے کم نہیں تھا۔ انہوں نے کیپٹن صفدر کے بیان کو انتہائی شرمناک اور افسوس ناک قرار دیا اور مریم نواز کا شکریہ ادا کیا۔
My Maa jee has been a cancer patient, and God knows how we managed to get through those difficult times. Her survival was nothing short of a miracle.
Listening to Cap Safdar’s remarks on this matter is utterly shameful and disgraceful..!
Heartfelt thanks to CM @MaryamNSharif
for her thoughtful and compassionate words for all those brave women.— Ajmal Jami (@ajmaljami) October 30, 2026
سابق وفاقی وزیر فواد چوہدری نے بھی مریم نواز کے واضح مؤقف کو سراہتے ہوئے ان کی حمایت کی۔
All appreciation for @MaryamNSharif for taking a clear stance….🙏🙏
— Ch Fawad Hussain (@fawadchaudhry) October 30, 2026
صحافی منیب فاروق نے لکھا کہ اس قدر شرمناک اور خواتین مخالف سوچ کے خلاف کھڑا ہونے کے لیے بہت ہمت درکار ہوتی ہے۔ انہوں نے مریم نواز اور پاکستان کی بہادر خواتین کے لیے نیک خواہشات کا اظہار کیا۔
It Takes a great amount of strength to stand up to such grotesquely misogynistic mindset. God bless you and the brave women of Pakistan. 👍 @MaryamNSharif
— Muneeb Farooq (@muneebfaruqpak) October 30, 2026
سینئر صحافی مبشر زیدی نے بھی مریم نواز اور پاکستان کی خواتین کی حمایت میں پیغام جاری کیا۔
More power to you and the women of Pakistan
— Mubashir Zaidi (@xadeejourno) October 30, 2026
صحافی بینظیر شاہ نے لکھا کہ عوامی سطح پر اس طرح واضح مؤقف اختیار کرنے کے لیے حقیقی حوصلے کی ضرورت ہوتی ہے۔
It takes real courage to take a public stand like this. More power to you, Maryam Nawaz Sharif.
— Benazir Shah (@Benazir_Shah) October 30, 2026
صحافی فریحہ ادریس نے بھی مریم نواز کے مؤقف کو سراہتے ہوئے لکھا کہ کسی بات کو اس کے اصل نام سے پکارنا آسان نہیں ہوتا، خصوصاً جب آپ عوام کی نظروں میں ہوں۔
To call a spade a spade! It’s not easy to do that . Especially in public eye.
— Fereeha M Idrees (@Fereeha) October 30, 2026
اینکر پرسن مونا عالم نے بھی مریم نواز کی حمایت کرتے ہوئے کینسر سے متاثرہ خواتین کے ساتھ اظہار یکجہتی کیا۔ انہوں نے بتایا کہ وہ خود بھی کینسر کے متاثرین میں شامل ہیں اور حال ہی میں اپنی والدہ کو بریسٹ کینسر کے باعث کھو چکی ہیں۔
Aap chhaa gaeen, CM sahiba 👏🏻
Big Thanks from all cancer victims like myself; a daughter who has recently lost her mother to breast cancer.Because Cancer doesn’t claim a single life, it in fact kills all of that woman’s family.
— Mona Alam (@MonaAlamm) October 30, 2026
ان کا کہنا تھا کہ کینسر صرف ایک انسان کی جان نہیں لیتا بلکہ اس خاتون کے پورے خاندان کو متاثر کرتا ہے۔
