اسلام آباد: وفاقی وزیر شزا فاطمہ کہا ہے کہ عالمی سطح پر پیٹرولیم مصنوعات کی قیمتوں میں اضافے کے باوجود وزیراعظم کی فیول ریلیف اسکیم کے تحت مستحق شہریوں کو براہ راست پیٹرول پر ریلیف فراہم کیا جارہا ہے، شزا فاطمہ وزیر مملکت برائے خزانہ بلال اظہر کیانی کے ہمراہ مشترکہ پریس کانفرنس سے خطاب کررہی تھیں۔
وفاقی وزیر آئی ٹی شزا فاطمہ نے کہا کہ فیول ریلیف اسکیم سے لاکھوں شہری مستفید ہورہے ہیں، ایک ہفتے کے دوران ملک بھر میں 47 لاکھ افراد اسکیم سے فائدہ اٹھا چکے ہیں اب تک 58 لاکھ 75 ہزار 199 افراد رجسٹر ہوچکے ہیں، جبکہ اسکیم کے تحت 61 لاکھ 31 ہزار 781 ٹوکن جاری کیے جاچکے ہیں۔
وفاقی وزیر نے کہا کہ اسکیم کے تحت موٹر سائیکل، رکشے، چنگچی اور چھوٹی گاڑیوں کو ریلیف دیا جارہا ہے۔ مستحق شہریوں کو ہر ٹوکن پر 500 روپے کا ریلیف فراہم کیا جارہا ہے، جس کا مقصد عالمی سطح پر بڑھتی ہوئی پیٹرولیم قیمتوں کے اثرات کو کم کرنا ہے۔
سب سے زیادہ پڑھی جانے والی
47 لاکھ شہریوں کو ایک ہفتے میں ریلیف
شزا فاطمہ نے کہا کہ وزیراعظم کی فیول ریلیف اسکیم کا بنیادی مقصد مستحق شہریوں کو براہ راست فائدہ پہنچانا ہے۔ حکومت نے اسکیم کو زیادہ سے زیادہ شہریوں کیلئے آسان بنانے کی کوشش کی ہے تاکہ رجسٹریشن اور ریلیف کے حصول میں غیر ضروری مشکلات پیش نہ آئیں۔
انہوں نے کہا کہ اسکیم سے مستفید ہونے والوں میں موٹرسائیکل سوار، رکشہ اور چنگچی استعمال کرنے والے افراد سمیت چھوٹی گاڑیوں کے صارفین شامل ہیں۔ حکومت کی جانب سے ریلیف براہ راست شہریوں تک پہنچانے کیلئے ڈیجیٹل نظام کو استعمال کیا جارہا ہے۔
وفاقی وزیر نے کہا کہ اسکیم کو کامیاب بنانے کیلئے تمام متعلقہ ادارے مل کر کوشش کررہے ہیں جبکہ وزیراعظم شہباز شریف بھی اسکیم پر مسلسل رابطے میں رہتے ہوئے پیش رفت کا جائزہ لے رہے ہیں۔
شزا فاطمہ کا کہنا تھا کہ حکومت کی کوشش ہے کہ فیول ریلیف اسکیم سے زیادہ سے زیادہ مستحق افراد فائدہ اٹھائیں اور عوام کو ریلیف کی فراہمی میں شفافیت کو یقینی بنایا جائے۔
ہر ٹوکن پر 500 روپے کا ریلیف
وزیر مملکت برائے خزانہ و ریلوے بلال اظہر کیانی نے کہا کہ حکومت کا مقصد فیول ریلیف براہ راست حقدار شہریوں تک پہنچانا ہے اور اسکیم میں مستحق افراد کی شفاف طریقے سے نشاندہی کا عمل جاری ہے۔
انہوں نے کہا کہ حکومت عوامی ریلیف کے اقدامات کو جدید ڈیجیٹل نظام سے منسلک کررہی ہے جبکہ وزیراعظم فیول ریلیف اسکیم پر عملدرآمد کیلئے متعلقہ اداروں کے درمیان مؤثر رابطہ جاری ہے۔
بلال اظہر کیانی نے بتایا کہ موٹرسائیکل، رکشہ اور چنگچی استعمال کرنے والوں کیلئے ہر ہفتے 500 روپے کے مفت پیٹرول کا ریلیف فراہم کیا جارہا ہے، حکومت کی جانب سے اسکیم کے تحت مستحق افراد کو براہ راست فائدہ پہنچانے کیلئے طریقہ کار کو آسان رکھا گیا ہے۔
وزیر مملکت نے واضح کیا کہ فیول ریلیف اسکیم سے فائدہ اٹھانے کیلئے موٹرسائیکل یا گاڑی کا شہری کے اپنے نام پر رجسٹرڈ ہونا ضروری نہیں۔ اگر متعلقہ شہری کے پاس گاڑی کی دستاویزات اور اس کی تحویل موجود ہو تو وہ اسکیم سے فائدہ اٹھا سکتا ہے۔
ڈیجیٹل نظام سے شفاف ریلیف کی فراہمی
شزا فاطمہ نے کہا کہ حکومت عالمی سطح پر پیٹرولیم مصنوعات کی قیمتوں میں اضافے کے باعث عوام پر پڑنے والے اضافی بوجھ کو کم کرنے کیلئے فیول ریلیف اسکیم پر عملدرآمد کررہی ہے۔ اسکیم کے ذریعے مستحق شہریوں کو براہ راست مالی ریلیف فراہم کیا جارہا ہے۔
انہوں نے کہا کہ رجسٹریشن کا عمل تیز کرنے اور مستحق افراد تک ریلیف پہنچانے کیلئے جدید ٹیکنالوجی سے مدد لی جارہی ہے۔ حکومت کی کوشش ہے کہ شہریوں کو کسی غیر ضروری پیچیدگی کے بغیر اسکیم کا حصہ بنایا جائے۔
بلال اظہر کیانی نے کہا کہ متعلقہ ادارے فیول ریلیف اسکیم پر مؤثر انداز میں عملدرآمد کیلئے باہمی رابطے میں ہیں۔ حکومت چاہتی ہے کہ ریلیف کی رقم صرف ان شہریوں تک پہنچے جو اس کے حقدار ہیں اور اس پورے عمل میں شفافیت برقرار رہے۔
انہوں نے کہا کہ وزیراعظم فیول ریلیف اسکیم عوامی سہولت کیلئے شروع کی گئی ہے اور حکومت اس کی پیش رفت کی مسلسل نگرانی کررہی ہے۔ شزا فاطمہ نے بھی اس عزم کا اظہار کیا کہ اسکیم کو کامیاب بنانے کیلئے تمام ادارے مل کر کام جاری رکھیں گے تاکہ زیادہ سے زیادہ مستحق شہری اس سہولت سے فائدہ اٹھا سکیں۔
