ملک بھر میں ماہِ ربیع الثانی کا چاند نظر نہیں آیا، جس کے بعد یکم ربیع الثانی پیر 14 ستمبر کو ہوگی۔
مرکزی رویت ہلال کمیٹی کے چیئرمین مولانا عبدالخبیرآزاد نے چاند نظر نہ آنے کا اعلان کرتے ہوئے کہا کہ ملک بھر میں کہیں سے بھی ماہِ ربیع الثانی کے چاند کی شہادت موصول نہیں ہوئی۔
انہوں نے بتایا کہ ملک کے بیشتر علاقوں میں مطلع ابرآلود رہا، جس کے باعث چاند دیکھنے میں مشکلات پیش آئیں۔ ان کا کہنا تھا کہ جن علاقوں میں مطلع صاف تھا، وہاں سے بھی چاند نظر آنے کی کوئی معتبر شہادت موصول نہیں ہوئی۔
سب سے زیادہ پڑھی جانے والی
مولانا عبدالخبیر آزاد نے کہا کہ ملک کے مختلف علاقوں سے چاند دیکھنے کے حوالے سے اطلاعات اور شہادتوں کا جائزہ لیا گیا، تاہم کسی مقام سے بھی ایسی شہادت موصول نہیں ہوئی۔
چیئرمین رویت ہلال کمیٹی کے مطابق تمام شواہد اور اطلاعات کا جائزہ لینے کے بعد فیصلہ کیا گیا ہے کہ ماہِ ربیع الثانی کا آغاز پیر 14 ستمبر سے ہوگا۔
لاہور: 12 ستمبر، 2026
آج ملک بھر میں ربیع الثانی کے چاند کی عدم رویت رہی۔ چیئرمین رویت ہلال کمیٹی پاکستان مولانا سید محمد عبدالخبیر آزاد کے فیصلے کے مطابق یکم ربیع الثانی 1448 ہجری پیر 14 ستمبر 2026 سے ہو گی۔ وزارت مذہبی امور نے نوٹیفکیشن جاری کر دیا۔ pic.twitter.com/7f9Ynsp2c5— Ministry of Religious Affairs & Interfaith Harmony (@MORAisbOfficial) September 12, 2026
انہوں نے کہا کہ عوام کو ربیع الثانی کے آغاز کے حوالے سے حتمی اطلاع دے دی گئی ہے، ملک بھر میں مذہبی امور اور متعلقہ ادارے نئے اسلامی مہینے کے آغاز کے مطابق اپنی سرگرمیوں کا تعین کریں گے۔
یوں ربیع الاول کا مہینہ اپنے اختتام کو پہنچنے کے بعد پیر 14 ستمبر کو یکم ربیع الثانی ہوگی۔
