پاکستان نیوی کی بڑی بحری مشق سی اسپارک 2026 کراچی میں شروع ہو گئی۔ مشق کا مقصد ابھرتے ہوئے بحری خطرات سے نمٹنے اور جنگی تیاریوں کا جائزہ لینا ہے۔
آئی ایس پی آر کے مطابق نیول چیف ایڈمرل نوید اشرف نے بحری مشق سی اسپارک-2026 کی افتتاحی بریفنگ کی صدارت کی، پاکستان کی مسلح افواج کے سینئر افسران بھی اس موقع موجود تھے۔
آئی ایس پی آر کے مطابق مشق میں بحری جہاز، آبدوزیں، ہوائی جہاز اور جدید ڈرون سسٹمز شامل ہیں، اس کے علاوہ اسپیشل فورسز، پاک فوج اور پاک فضائیہ کے مشترکہ دستے بھی حصہ لے رہے ہیں۔
سب سے زیادہ پڑھی جانے والی
Pakistan Navy projects force readiness as Major Maritime Exercise SEASPARK-2026 commenced at Karachi. Naval Chief presided over the Opening Brief of the exercise, flanked by senior officers from across Pakistan’s Armed Forces.@AmirSaeedAbbasi @KulAalam pic.twitter.com/IY2rsV5KQy
— Media Talk (@mediatalk922) September 2, 2026
اس سے قبل چیف آف دی نیول اسٹاف نے پاک بحریہ کے فلیٹ یونٹس کا دورہ کیا اور جاری آپریشنز کا جائزہ لیا۔
نیول چیف نے افسران اور جوانوں سے خطاب کرتے ہوئے کہا کہ سکیورٹی ماحول غیرمتزلزل تیاری، مسلح افواج کے درمیان تعاون، حالات کے مطابق خود کو ڈھالنے کا تقاضا کرتا ہے، مشق سی اسپارک-2026 کا بنیادی مقصد کثیر الجہتی آپریشنز کی مشق کرنا ہے۔
ایڈمرل نوید اشرف کا کہنا تھا کہ مشق میں سمندری، فضائی، زمینی، سائبر اور خلائی معاون صلاحیتوں کو مربوط کیا جا رہا ہے۔
انہوں نے مزید کہا کہ مشق میں انفارمیشن انوائرمنٹ میں آپریشنز پر بھی توجہ مرکوز کی گئی ہے تاکہ سمندر میں روایتی جنگی کارروائیوں کے ساتھ معلوماتی محاذ پر بھی برتری حاصل کی جا سکے۔
