ملک بھر میں رسول اللہ حضرت محمدﷺ کا یوم ولادت مذہبی عقیدت و احترام سے منایا جا رہا ہے۔
ملک بھر کی فضاؤں میں درود و سلام کی صدائیں گونج رہی ہیں، مساجد، عمارتوں، گلیوں، محلوں کو خوبصورتی سے سجایا گیا ہے اور نبی آخر الزمانﷺ سے محبت و عقیدت کا اظہار کیا جا رہا ہے۔
بارہ ربیع الاول کے موقع پرنماز فجر کے بعد پاک فوج کے دستوں نے وفاقی دارلحکومت میں 31جبکہ صوبائی دارلحکومتوں میں21 توپوں کی سلامی پیش کی۔ آج ملک بھر کے تمام شہروں میں نعتیہ مقابلے ہوں گے اور ریلیاں نکالی جائیں گی۔
ملک بھر کی طرح کراچی کو بھی برقی قمقوں سے سجایا گیا ہے ، کئی جگہوں پر مسجد نبوی اور خانہ کعبہ کے ماڈلز رکھے گئے ہیں، شہر کے مختلف علاقوں میں ریلیوں اور محفل میلاد کا انعقاد کیا جائے گا۔
12th Rabi‘ al-Awwal ﷺ
Today we remember the mercy, light and beautiful example of Prophet Muhammad ﷺ.
اللَّهُمَّ صَلِّ عَلَىٰ مُحَمَّدٍ وَعَلَىٰ آلِ مُحَمَّدٍ ﷺ
Send abundant Salawat today. May our love for him ﷺ bring peace in this life and Shafa‘ah in the Akhirah. Ameen. pic.twitter.com/t0yQ9LZAH2
— Karimia Institute (@officialkarimia) August 25, 2026
لاہور میں بھی بارہ ربیع الاول کے موقع پر جشن کا سماں ہے، ہر طرف محفل میلاد کا انعقاد کیا جا رہا ہے اور ملک کی ترقی و خوشحالی کے لیے خصوصی دعائیں مانگی جا رہی ہیں۔
اسلام آباد، پشاور، کوئٹہ اور دیگر شہروں میں بھی رحمت اللعالمینﷺ کے ولادت کے دن کے موقع پر ریلیوں کا انعقاد کیا جا رہا ہے اور محفل میلاد کا اہتمام کیا جا رہا ہے، مسجدوں میں خصوصی دعاؤں کا اہتمام کیا گیا ہے۔
