عدالت نے وزیراعلیٰ خیبرپختونخوا سہیل آفریدی کے ناقابلِ ضمانت وارنٹ گرفتاری جاری کر دیے۔
پشاور کی عدالت نے ریاستی اداروں پر مبینہ گمراہ کن الزامات لگانے اور ان کی ساکھ متاثر کرنے کے مقدمے میں وزیراعلیٰ خیبر پختونخوا سہیل آفریدی کے ناقابلِ ضمانت وارنٹ گرفتاری جاری کر دیے۔
سینئر سول جج عباس شاہ نے سہیل آفریدی کے خلاف درج مقدمے کی سماعت کی، دورانِ سماعت ملزم کی عدم حاضری پر عدالت نے برہمی کا اظہار کرتے ہوئے انہیں گرفتار کرکے عدالت میں پیش کرنے کا حکم دے دیا۔
عدالت نے کیس کی مزید سماعت 29 جون تک ملتوی کر دی۔
یاد رہے کہ سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا ہے، جس میں ریاستی اداروں کے خلاف مبینہ گمراہ کن الزامات اور ان کی ساکھ متاثر کرنے کے الزامات شامل ہیں۔
پیٹرول کی قیمت فوری طور پر 225 روپے فی لیٹر کی جائے، حافظ نعیم الرحمان
یہ قانونی پیش رفت ایک ایسے وقت میں سامنے آئی ہے جب صوبہ خیبر پختونخوا کا سالانہ بجٹ کل یعنی 19 جون کو صوبائی اسمبلی میں پیش کرنے کا حتمی فیصلہ کیا جا چکا ہے، جس کے باعث صوبے میں سیاسی درجہ حرارت اور سنسنی خیزی انتہائی عروج پر پہنچ گئی ہے۔
