ایشین گیمز کے ٹی20 مقابلے میں نیپال نے شاندار بیٹنگ کا مظاہرہ کرتے ہوئے چین کے خلاف مقررہ 20 اوورز میں 2 وکٹوں کے نقصان پر 313 رنز بنا کر کرکٹ کی تاریخ میں ایک نیا سنگ میل عبور کر لیا۔
نیپال کا یہ اسکور ٹی20 انٹرنیشنل کرکٹ کی تاریخ کے سب سے بڑے مجموعوں میں شمار کیا جا رہا ہے۔ جس نے دنیا بھر کے کرکٹ حلقوں کو حیران کر دیا۔
نیپال کی جانب سے کوشل بھرتیل نے جارحانہ اور شاندار بیٹنگ کا مظاہرہ کرتے ہوئے سنچری اسکور کی۔ جبکہ دیگر بلے بازوں نے بھی چینی بولرز کے خلاف بھرپور دھواں دار کھیل پیش کیا۔
میچ کے دوران کوشل بھرتیل نے ایک اوور میں مسلسل 6 چھکے لگا کر منفرد کارنامہ انجام دیا، جس کی ماضی میں بھارت کے سابق آل راؤنڈر یووراج سنگھ نے برابری کی تھی۔
واضح رہے کہ اس سے قبل بھی 2023 ایشین گیمز میں نیپال نے منگولیا کے خلاف 314 رنز بنا کر ٹی20 انٹرنیشنل میں 300 سے زائد رنز بنانے والی پہلی ٹیم ہونے کا اعزاز حاصل کیا تھا۔ اس طرح نیپال ٹی20 انٹرنیشنل کرکٹ کی تاریخ میں دو مرتبہ 300 سے زائد رنز بنانے والی پہلی ٹیم بن گئی ہے۔
یہ بھی پڑھیں: عرفات منہاس نے ڈیبیو میچ میں 42 سالہ پرانا ریکارڈ توڑ دیا
نیپال کی اس شاندار کارکردگی کو عالمی کرکٹ حلقوں میں سراہا جا رہا ہے اور اسے ایسوسی ایٹ ممالک کی کرکٹ میں ایک بڑی پیشرفت قرار دیا جا رہا ہے۔
