امریکا نے دہشتگردی کے خلاف کوششوں میں پاکستان کو اہم اور قابلِ اعتماد شراکت دار قرار دے دیا۔
پاکستان کی خطے میں ایک اہم اور مستحکم کردار کے طور پر اہمیت ایک بار پھر اجاگر ہوئی ہے، جہاں امریکا نے دہشتگردی کے خلاف کوششوں میں پاکستان کو کلیدی شراکت دار قرار دیا ہے۔
امریکی سینٹرل کمانڈ کے سربراہ ایڈمرل بریڈ کوپر نے امریکی سینیٹ کی کمیٹی کو بریفنگ دیتے ہوئے کہا کہ پاکستان انسداد دہشتگردی میں ایک قابلِ اعتماد شراکت دار ہے۔
ایڈمرل بریڈ کوپر کے مطابق پاکستان خطے میں داعش خراسان کے خلاف جنگ میں کلیدی حیثیت رکھتا ہے جبکہ اسلام آباد کے ساتھ مضبوط شراکت داری کے نتیجے میں دہشتگردوں کے خلاف ٹھوس کامیابیاں حاصل ہوئی ہیں۔
انہوں نے کہا کہ یہ باہمی کامیابیاں پاکستان اور امریکا کی دیرینہ دوستی اور مشترکہ عزم کا واضح عکس ہیں، ان کا کہنا تھا کہ وسط ایشیائی شراکت دار بھی افغانستان سے پنپتی دہشتگردی پر گہری نظر رکھے ہوئے ہیں۔
جلد معاہدہ نہ ہوا تو ایران کیلئے مشکل وقت شروع ہو جائے گا، ڈونلڈ ٹرمپ نے خبردار کر دیا
سربراہ امریکی سینٹکام نے مزید کہا کہ دہشتگردانہ سرگرمیوں اور علاقائی سیکیورٹی خطرات کے باعث افغانستان اب بھی واشنگٹن کی توجہ کا مرکز ہے جبکہ دہشتگردوں کی موجودگی کی وجہ سے افغانستان امریکی نگرانی کی فہرست میں بدستور سرفہرست ہے۔
