آئندہ 2سے 4گھنٹوں کے دوران شمالی وزیرستان، کرم اور پارا چنار میں بارش کا امکان ہے۔
محکمہ موسمیات کے مطابق کوہاٹ اورکزئی، بنوں، پشاور، چارسدہ اور ہری پور میں بھی بارش متوقع ہے ،اسی طرح خیبر، نوشہرہ ، دیر، صوابی ، دروش، شانگلہ، بونیر، سوات اور کالام میں بھی بارش کا امکان ہے۔
بالائی علاقوں میں بارشوں کی پیشگوئی، گرمی کی شدت میں کمی متوقع
محکمہ موسمیات کا مزید بتانا تھا کہ آئندہ 2سے 4گھنٹوں کے دوران چند مقامات پر ژالہ باری کا بھی امکان ہے۔عوام کو ہدایت کی گئی ہے کہ خراب موسمی صورتحال کے پیش نظر ضروری احتیاطی تدابیر اختیار کریں۔
دوسری جانب ضلع خیبر میں تیز آندھی و طوفان کے ساتھ بارش شروع ہوگئی ،بارش سے گرمی کا زور ٹوٹ گیا۔ پشاور میں شدید آندھی کے باعث دن میں رات کا سماں ہونے لگا، شہر گرد آلود ہواؤں کی لپیٹ میں ہے،
تیز ہواؤں کے باعث مختلف علاقوں میں حدِ نگاہ متاثر ہوئی جس سے شہریوں کو مشکلات کا سامنا کرنا پڑا، دو دن کے حبس کے بعد موسم نے کروٹ بدل لی، آندھی کے ساتھ ٹھنڈی ہوائیں چلنے لگیں۔
اسلام آباد سمیت مختلف شہروں میں بارش کا امکان
محکمہ موسمیات نے آج اور کل بارش کا امکان ظاہر کر دیا، پی ڈی ایم کی جانب سے شہریوں کو غیر ضروری سفر سے گریز کی ہدایت کی گئی ہے۔
گرد آلود تیز ہواؤں کے باعث شہریوں کو محتاط رہنے کا کہا گیا ہے،شہر کے مختلف علاقوں میں آندھی کے باعث بجلی کی فراہمی بھی متاثر ہونے کا خدشہ ہے۔
