کراچی کنگز نے ایچ بی ایل پاکستان سپر لیگ 11 کے بقیہ میچز کے لیے انگلینڈ کے تجربہ کار بیٹر جیسن روئے کو اپنے اسکواڈ میں شامل کر لیا ہے۔
ٹیم انتظامیہ کے مطابق جیسن روئے کو محمد وسیم کے متبادل کے طور پر ٹیم میں شامل کیا گیا ہے، جس کا باقاعدہ اعلان بھی کر دیا گیا ہے۔
جارحانہ بیٹنگ کیلئے مشہور جیسن روئے کی شمولیت سے کراچی کنگز کے ٹاپ آرڈر کو مزید تقویت ملے گی۔ ٹیم مینجمنٹ کا کہنا ہے کہ روئے کی موجودگی سے بیٹنگ لائن اپ زیادہ مستحکم اور خطرناک ہو جائے گا، جو آئندہ میچز میں ٹیم کے لیے اہم کردار ادا کر سکتا ہے۔
رائلے روسو پی ایس ایل میں 100 میچز مکمل کرنے والے پہلے غیر ملکی کھلاڑی بن گئے
جیسن روئے اس سے قبل بھی مختلف ٹی ٹوئنٹی لیگز میں شاندار کارکردگی کا مظاہرہ کر چکے ہیں اور ان کی شمولیت کراچی کنگز کے لیے ایک بڑا بوسٹ قرار دی جا رہی ہے۔
دوسری جانب ٹیم مینجمنٹ نے خزیمہ بن تنویر کے متبادل کھلاڑی کے اعلان کی بھی تیاری مکمل کر لی ہے۔ ذرائع کے مطابق نئے کھلاڑی کے انتخاب کے لیے مشاورت آخری مراحل میں داخل ہو چکی ہے اور جلد ہی اس حوالے سے باضابطہ اعلان متوقع ہے۔
کراچی کنگز کی یہ تبدیلیاں ایچ بی ایل پی ایس ایل 11 کے اہم مرحلے میں ٹیم کو مزید مضبوط بنانے کی حکمت عملی کا حصہ قرار دی جا رہی ہیں۔
