نیویارک: امریکہ میں ریموٹ کنٹرول کار کی مدد سے زیر زمین پھنسی بلی کو بحفاظت نکال لیا گیا۔
غیر ملکی خبر رساں ایجنسی کے مطابق امریکہ کی ریاست نیویارک میں ایک دلچسپ واقعہ پیش آیا۔ جب کھلونے والی کار سے پائپ میں پھنسی بلی کو بحفاظت نکال لیا گیا۔
بلی کا بچہ زیر زمین پائپ میں پھنس گیا تھا۔ اور اس تک پہنچنا انسانوں کے لیے ناممکن تھا۔ تاہم مقامی ریسکیو کی ٹیم نے بلی کے بچے کو نکالنے کے لیے منفرد طریقہ اپنایا۔
مقامی ریسکیو ٹیم نے ریموٹ کنٹرول کار میں ایک کیمرہ اور لائٹ نصب کر کے اسے پائپ کے اندر بھیجا۔ اس کار نے بلی کا درست مقام معلوم کرنے میں مدد دی۔
جب بلی کی جگہ کا پتا چل گیا تو ریسکیو عملے نے پائپ کا وہ حصہ کھودا۔ اور آخرکار کئی گھنٹوں کی کوشش کے بعد بلی کو محفوظ طور پر نکال لیا۔
یہ بھی پڑھیں: دنیا کا سب سے بدبودار پھول کا پودا چوری ہو گیا
یہ واقعہ نہ صرف ٹیکنالوجی کے مثبت استعمال کی ایک مثال ہے بلکہ جانوروں سے ہمدردی اور انسانیت کی خوبصورت جھلک بھی پیش کرتا ہے۔
