ایشیا ایسٹ پیسیفک ریجنل کوالیفائرز میں شاندار کارکردگی کے بعد نیپال اور عمان نے ٹی ٹوئنٹی ورلڈکپ 2026 کے لیے کوالیفائی کرلیا ہے۔
تفصیلات کے مطابق اس ریجن سے ایک تیسری ٹیم بھی ورلڈ کپ میں جگہ بنائے گی، جس کے لیے متحدہ عرب امارات (یو اے ای) مضبوط امیدوار کے طور پر سامنے آیا ہے۔
Nepal and Oman have become the latest teams to book their spot at next year’s Men’s #T20WorldCup in India and Sri Lanka 🙌
Details 👇https://t.co/6k9k6Roo9t
— ICC (@ICC) October 16, 2025
یو اے ای کے اب تک چار پوائنٹس ہیں اور وہ تیسرے نمبر پر موجود ہے۔
یو اے ای کو ٹی ٹوئنٹی ورلڈکپ تک رسائی کے لیے اپنا آخری میچ جاپان کے خلاف جیتنا ہوگا، جو کہ نسبتاً کمزور ٹیم سمجھی جا رہی ہے۔
اگر یو اے ای کامیاب رہا تو وہ بھی اگلے سال ہونے والے ورلڈکپ کا حصہ بن جائے گا۔
یاد رہے کہ ٹی ٹوئنٹی ورلڈکپ 2026 کی میزبانی بھارت اور سری لنکا مشترکہ طور پر کریں گے، اور اب تک کوالیفائی کرنے والی ٹیموں میں پاکستان، افغانستان، آسٹریلیا، بنگلادیش، انگلینڈ، جنوبی افریقہ، امریکا، ویسٹ انڈیز، آئرلینڈ، نیوزی لینڈ، کینیڈا، اٹلی، نیدرلینڈز، نمیبیا، زمبابوے، نیپال اور عمان شامل ہیں۔
یو اے ای کی ممکنہ کامیابی اس فہرست میں ایک اور ایشیائی ٹیم کا اضافہ کر سکتی ہے۔
بقیہ میچز
16 اکتوبر، 14:30: متحدہ عرب امارات بمقابلہ جاپان
16 اکتوبر، 19:00: قطر بمقابلہ ساموآ
17 اکتوبر، 10:00: جاپان بمقابلہ عمان
17 اکتوبر، 14:30: ساموا بمقابلہ نیپال
