اسلام آباد، وزیراعظم شہباز شریف نے کہا ہے کہ لیفٹیننٹ کرنل جنید طارق کے ساتھ 9 جوانوں نے وطن کے دفاع میں اپنی جانوں کا نذرانہ پیش کیا، شہید نے بہادری کی نئی تاریخ رقم کی، سیکیورٹی فورسز نے فتنۂ خوارج کے 19 دہشتگردوں کو ہلاک کیا۔
وزیراعظم نے راولپنڈی میں لیفٹیننٹ کرنل جنید طارق اوردیگر شہدا کا جنازہ اعلیٰ افسران اور نوجوانوں کے ساتھ ادا کیا گیا، شہدا کے اہلخانہ کا غیر متزلزل عزم لائق تحسین ہے۔
شہید کرنل کے ایک بیٹے اور ایک بیٹی کو یتیمی کا دکھ سہنا پڑا، مگر ہمارے جوان اپنے بچوں کو یتیم کر کے قوم کے تحفظ کی خاطر شہید ہو رہے ہیں،قرآنِ کریم میں واضح حکم ہے کہ شہدا کو مردہ مت کہو۔
انہوں نے افسوس کا اظہار کرتے ہوئے کہا کہ ستم ظریفی ہے کہ انہی دہشتگردوں کو بعض حلقے تحفظ دیتے ہیں، خوارج ہمسایہ ملک سے آ کر پاکستان میں فتنہ پھیلاتے ہیں مگرملک میں کسی کو بھی انتشار پھیلانے کی اجازت نہیں دی جائے گی۔
انہوں نے کہا کہ دہشتگردی کے خاتمے کا عزم غیر متزلزل ہے، دوست نما دشمن دراصل اسی ملک کے خلاف سرگرم ہیں جس نے انہیں پناہ دی، آزاد فلسطینی ریاست کے قیام کا مؤقف پاکستان نے ہمیشہ برقراررکھا ہےغزہ میں فوری جنگ بندی اورنسل کشی کا خاتمہ ہماری اولین ترجیح ہے۔
پاکستان دہشتگردی کا متحمل نہیں ہوسکتا، جیل میں بیٹھا شخص دہشتگردوں کا سہولت کار ہے، عطااللہ تارڑ
انہوں نے بتایا کہ ٹرمپ کیساتھ عرب اسلامی سربراہی اجلاس کے موقع پر ملاقات میں پاکستان کی امن کی کوششوں کو سراہا گیا۔
وزیراعظم نے مسجد اقصیٰ کی بے حرمتی کے اسرائیلی اقدام کی مذمت کرتے ہوئے کہا کہ چین پاکستان کا دیرینہ اور ہر آزمائش میں ساتھ دینے والا دوست ہے۔
