پاکستان اور جنوبی افریقہ کے درمیان سیریز کے ٹکٹس آج سے فروخت کیلئے دستیاب ہوں گے۔
آن لائن ٹکٹس آج شام 5 بجے سے pcb.tcs.com.pk پر دستیاب ہوں گے۔ لاہور اور راولپنڈی ٹیسٹ میچز کے لیے جنرل، فرسٹ کلاس، پریمیئم اور وی آئی پی انکلوژرز میں داخلہ فری ہو گا۔
جنوبی افریقہ کے خلاف ٹی ٹوئنٹی سیریز، ٹیم میں تبدیلیوں کا امکان
لاہور اور راولپنڈی ٹیسٹ کے فزیکل ٹکٹس 8 اکتوبر سے ٹی سی ایس ایکسپریس مراکز پر ملیں گے، ٹی ٹوئنٹی انٹرنیشنل اور ون ڈے انٹرنیشنل سیریز کے ٹکٹس 16 اکتوبر سے دستیاب ہوں گے۔
ایک شناختی کارڈ پر پانچ ٹکٹس خریدی جا سکیں گی، ٹی ٹوئنٹی انٹرنیشنل میچز کیلئے کم از کم ٹکٹ 400 روپے میں دستیاب ہوگی، فیصل آباد میں تین ون ڈے انٹرنیشنل میچز 4، 6 اور 8 نومبر کو ہوں گے۔
فیصل آباد میں جنرل انکلوژر ٹکٹس 400 روپے سے شروع ہو گی اور وی آئی پی ٹکٹس 3 ہزار روپے میں دستیاب ہوں گے۔
