پاکستان کے مایہ ناز فاسٹ بولر محمد عامر کو ایک بار پھر انگلش کاؤنٹ ایسیکس نے اپنی ٹیم کا حصہ بنالیا، وہ رواں سال بلاسٹ ٹی 20 میں کاؤنٹی کی نمائندگی کرینگے۔
کرکٹ ویب سائٹ کے مطابق محمد عامر ٹی 20 بلاسٹ کے گروپ مرحلے میں مکمل دستیاب ہوں گے جبکہ ممکنہ طور پر ناک آؤٹ مرحلہ بھی کھیلیں گے۔
ایسیکس کے ڈائریکٹر کرکٹ کرس سلور ووڈ نے محمد عامر کو اسکواڈ میں شامل کرنے پر خوشی کا اظہار کیا۔
بابر اعظم بہت بڑے کھلاڑی ہیں، ان کے خلاف پلان بنا کر آتا ہوں، محمد عامر
جب کہ محمد عامر کا کہنا ہے کہ ایسیکس میرے لیے گھر جیسا ہے، شائقین کا پیار ہمیشہ یاد رہے گا۔
قومی ٹیم کے تجربہ کار فاسٹ بولر محمد عامر 2017ء سے 2019ء تک تین سیزن ایسیکس کیلئے کھیل چکے ہیں۔
عامر نے ایسیکس کی جانب سے 21 میچز میں 24 وکٹیں حاصل کیں، 2019ء میں عامر کی کارکردگی کے دوران ایسیکس نے ٹی 20 بلاسٹ اور کاؤنٹی چیمپئن شپ جیتی تھی۔
