سپریم کورٹ نے عمر سرفراز چیمہ کا کیس بانی پی ٹی آئی عمران خان کے کیس کے ساتھ منسلک کر دیا۔
سپریم کورٹ میں چیف جسٹس یحییٰ آفریدی کی سربراہی میں پی ٹی آئی رہنما عمرسرفراز چیمہ کے خلاف 9 مئی کے کیس کی سماعت ہوئی۔
چیف جسٹس نے کہا کہ اس کیس کو بانی پی ٹی آئی کے کیس کے ساتھ آئندہ ہفتے سنا جائے گا۔ چاہتے ہیں جسمانی ریمانڈ کے کیسز کے فیصلوں میں یکسانیت ہو، بانی پی ٹی آئی کا کیس بھی جسمانی ریمانڈ کا ہے اور عمر سرفراز چیمہ کا کیس بھی اسی نوعیت کا ہے۔
سازش کے الزام پر کسی کو جیل میں نہ رکھیں ، چیف جسٹس یحییٰ آفریدی
عمر سرفراز کے وکیل نے کہا کہ میرے مؤکل کو گرفتار کرنے کے بعد ایف آئی آر درج کی گئی، اس پر پنجاب حکومت کے وکیل نے کہا کہ عدالت نے سرفراز چیمہ کا ایک دن بھی جسمانی ریمانڈ نہیں دیا، عمر سرفراز سے پستول برآمد کرنی ہے۔ بعد ازاں عدالت نے سماعت 24 اپریل تک ملتوی کر دی۔
