پارا چنار اسپتال کے ایم ایس نے انکشاف کیا ہے کہ کرم میں ادویات کی قلت کے باعث 2 ماہ میں 29 بچے موت کی آغوش میں چلے گئے ہیں۔
پشاور پاراچنار مرکزی شاہراہ سمیت آمدورفت کے راستے گزشتہ 70 دنوں سے بند ہیں، راستوں کی بندش کے باعث ضلع میں اشیائے خوردونوش، پیٹرول، گیس اور ادویات کی شدید قلت پیدا ہو گئی ہے۔
کرم گرینڈ جرگہ ختم نہیں ہوا ، فریقین نے مشاورت کیلئے وقت مانگا ، بیرسٹر سیف
ایم ایس پارا چنار اسپتال کا کہنا ہے کہ ادویات اور دیگر سہولیات نہ ملنے پر مزید بحرانی کیفیت پیدا ہو سکتی ہے۔
دوسری جانب ڈپٹی کمشنر جاویداللہ کے مطابق ضلع کرم میں امن ومان کی صورتحال سے متعلق قائم کیے جانے والا گرینڈ جرگہ آج دوبارہ شروع ہوگا۔
واضح رہے کہ ضلع کرم میں قبائل کے درمیان ہونے والے تصادم میں 100 سے زائد افراد جاں بحق ہوئے تھے جس کے بعد تاحال راستے بند ہیں۔
