پاک فوج ہمیشہ حق ، سچ اور ملک کے دفاع کے ساتھ کھڑی ہے،لیفٹیننٹ کرنل خالد

فتنہ الخوارج کے چنگل سے رہائی پانے والے لیفٹیننٹ کرنل خالد نے کہا ہے کہ پاک فوج ہمیشہ حق اور سچ اور ملک کے دفاع کے ساتھ کھڑی ہے، علاقے کے مشیران اور رشتہ داروں کا شکریہ ادا کرتا ہوں جن کی کوشش سے میں رہا ہوا۔

اپنی رہائی کے بعد پہلے ویڈیو بیان میں لیفٹیننٹ کرنل خالد نے فتنہ الخوارج کا اصلی چہرہ بے نقاب کیا ہے۔ کرنل خالد کا کہنا ہے کہ حال ہی میں میرے والد کا انتقال ہوا تھا، میں نماز جنازے کیلئے گاؤں آیا تھا، عصر کے وقت 12، 14 خوارج نے مسجد سے ہمیں اغوا کیا، یرغمال بننے کے بعد انہوں نے زبردستی ہم سے ویڈیو بنوائی۔

لیفٹیننٹ کرنل خالد امیراوران کے3رشتہ داربحفاظت گھر پہنچ گئے

کلیفٹیننٹ کرنل خالد کا مزید کہنا ہے کہ پاک فوج ہمیشہ حق اور سچ اور ملک کے دفاع کے ساتھ کھڑی ہے، علاقے کے مشیران اور رشتہ داروں کا شکریہ ادا کرتا ہوں جن کی کوشش سے میں رہا ہوا۔

خیال رہے کہ چند روز قبل اپنے رشتہ داروں کے ہمراہ اغوا ہونے والے لیفٹیننٹ کرنل خالد امیر گزشتہ روز اپنے 3 رشتہ دار وں کیساتھ بحفاظت گھر پہنچ گئے تھے۔