برہان وانی کے آٹھویں یوم شہادت کے موقع پر کراچی میں ریلی

برہان وانی

صوبائی دارالحکومت کراچی میں کُل جماعتی حریت کانفرنس کے کنوینئر غلام محمد صفی کی قیادت میں شہید برھان مظفر وانی کے یوم شہادت کے موقع پر ریلی نکالی گئی۔

کشمیر میڈیا سروس کے مطابق ریلی میں پاکستان کی سیاسی، مذہبی اور سماجی جماعتوں کے رہنماؤں سمیت ہزاروں افراد نے شرکت کی۔ ریلی میں کُل جماعتی حریت کانفرنس آزاد کشمیر شاخ کے رہنماء ایڈوکیٹ پرویز احمد، اعجاز رحمانی،راجہ خادم حسین اور امتیاز وانی بھی شامل تھے۔

ریلی کے شرکاء نے کراچی آرٹس کونسل سے پریس کلب تک مارچ بھی کیا۔ ریلی میں پاکستان پیپلز پارٹی کے رہنما سعید غنی، متحدہ قومی موومنٹ کے امین الحق، جماعت اسلامی کے راجہ اظہر، مفتی عثمان ، سلیم الیاس، عبدالرحمن، فلسطینی فائونڈیشن کے ڈاکٹر صابر ابو اور ڈاکٹر مریم نے شرکت کی۔

کراچی میں گرمی کی شدت کے سبب جِلدی امراض میں اضافہ

وزیر آزاد کشمیر امیر غفار لون، پیپلز پارٹی لائرزفورم کے صدر قاضی بشیر اور دیگر بھی مارچ میں شریک ہوئے۔

اس موقع پر جموں و کشمیر کی بھارتی تسلط سے آزادی کے نعرے بھی لگائے گئے۔ ریلی کے شرکاء نے برہان مظفر وانی کی تصاویر والے بینرز اٹھارکھے تھے۔


ٹیگز :
متعلقہ خبریں