سابق کپتان قومی کرکٹ ٹیم انضمام الحق نے بھارتی فاسٹ بائولر ارشدیپ سنگھ پر بال ٹیمپرنگ کا الزام عائد کردیا۔
ایک ٹی وی شو میں گفتگو کرتے ہوئے سابق چیف سلیکٹر و کپتان انضمام الحق نے کہا کہ ٹی20 ورلڈکپ کے سپر 8 راؤنڈ میں آسٹریلیا اور بھارت کے درمیان میچ کے 15ویں اوور میں ارشدیپ سنگھ گیند کو ریورس سوئنگ کررہے تھے۔
بھارتی ٹیم چیمپئینز ٹرافی کیلئے پاکستان کا دورہ کریگی، وسیم اکرم پر امید
نئی گیند اتنی جلدی ریورس نہیں ہوتی، اس کا مطلب ہے کہ گیند 12 ویں یا 13ویں اوور تک ریورس سوئنگ کیلئے تیار تھی امپائرز کو ان چیزوں پر آنکھیں کھلی رکھنی ہوں گی۔
پروگرام میں شریک سلیم ملک نے کہا کہ انضی! میں ہمیشہ یہ کہتا ہوں، جب کچھ ٹیموں کی بات آتی ہے تو آنکھیں بند رکھی جاتی ہیں اور ہندوستان ان ٹیموں میں سے ایک ہے۔ یہی پاکستانی بائولرگیند کو ریورس سوئنگ کردیتے تو ہنگامہ برپا ہوجاتا۔
ڈک ورتھ لیوس میتھڈ کے شریک موجد چل بسے
انہوں نے کہا کہ اگر ارشدیپ 15ویں اوور میں گیند ریورس سوئنگ کررہے ہیں تو اس کا مطلب صاف ہے کہ بال کیساتھ چھیڑخانی کی گئی تھی۔
