سوناکشی کی مسلمان سے شادی پر ناراضی کی خبریں، شترو گھن سنہا کا ردعمل آ گیا

سوناکشی

بالی ووڈ اداکارہ سوناکشی سنہا کی مسلمان پر شادی سے خاندان کی ناراضگی کی خبروں پر ان کے والد شترو گھن سنہا کا ردعمل سامنے آ گیا۔

شترو گھن سنہا سے جب یہ پوچھا گیا کہ کیا ان کا خاندان سونا کشی کے مسلمان لڑکے ظہیر اقبال سے شادی پر ناراض ہے اور شادی میں شرکت نہیں کرے گا تو انہوں نے کہا کہ اس کا جواب میں اپنے مشہور ڈائیلاگ کی صورت میں دوں گا اور وہ ڈائیلاگ ہے خاموش۔

نیلم منیر کو شادی کیلئے راضی کر لیا ہے، والدہ

بالی ووڈ کے سینئر اداکار نے مزید کہا کہ سونا کشی کی شادی میں خاندان کی شرکت نہ کرنے اور ناراضگی کی تمام خبریں جھوٹی اور بے بنیاد ہیں۔ زندگی سوناکشی کی ہے اور انہیں اس کے لیے فیصلے کرنا کا پورا حق حاصل ہے۔

سونا کشی اور ظہیر کی جوڑی بہت اچھی لگتی ہے، سوناکشی میری اکلوتی بیٹی ہیں ان سے ناراضگی کا سوال ہی نہیں ہوتا،شترو گھن سنہا نے کہا کہ سوناکشی مجھے اپنی طاقت قرار دیتی ہیں تو یہ کیسے ہوسکتا ہے کہ میں ان کا ساتھ نہ دوں۔

میں ممبئی میں سوناکشی کی شادی میں شریک ہونے آیا ہوں۔ اس بارے میں افواہیں پھیلانے والے اپنے کام سے کام رکھیں۔


متعلقہ خبریں