پنجاب اسپیڈ کی طرح پاکستان اسپیڈ بھی نظر آنا شروع ہوگئی، چیئرمین چائنہ ایگزم بینک

پنجاب اسپیڈ

وزیراعظم شہباز شریف سے ملاقات کے دوران چیئرمین چائنہ ایگزم بینک ڈاکٹر وو فیولن بھی شہباز اسپیڈ کی تعریف کرتے نظر آئے۔

بیجنگ میں وزیراعظم شہباز شریف سے چینی ایگزم بینک کے سربراہ نے ملاقات کی۔ اس موقع پر شہباز شریف نے کہا کہ چائنہ ایگزم بینک نے پاکستان کی معاشی ترقی میں اہم کردار ادا کیا۔

شہباز شریف کا کہنا تھا کہ گورننس کی بہتری اور ٹیکس نیٹ بڑھانے کے لیے کام کر رہے ہیں۔ حکومت کاروبار میں آسانی کے لیے بھی اقدامات اٹھا رہی ہے۔ شعبہ زراعت کی استعداد بڑھانے کے لیے چینی تجربات سے فائدہ اٹھانا چاہتے ہیں۔

شہباز اسپیڈ‘‘ سے چینی لڑکی کا مکالمہ’’

وزیراعظم نے مزید کہا کہ ایم ایل ون کی اپ گریڈیشن کا منصوبہ سرمایہ کاری کے لیے تیار ہے۔ کراچی سرکلر ریلوے کی بحالی کے لیے چینی سرمایہ کاری کے خواہاں ہیں۔

ملاقات کے دوران چیئرمین چائنہ ایگزم بینک نے کہا کہ پنجاب اسپیڈ کی طرح پاکستان اسپیڈ بھی نظر آنا شروع ہو گئی ہے۔ پاکستان کا ہر منصوبہ ترجیحی حیثیت رکھتا ہے۔


متعلقہ خبریں