وزیراعظم شہباز شریف نے پاکستان پیپلزپارٹی کو ایک پھر وفاق کابینہ میں شمولیت کی دعوت دیدی جبکہ پی پی پی رہنماؤں نے کہا کہ شمولیت کا حتمی فیصلہ آصف زرداری اوربلاول بھٹو ہی کریں گے۔
ذرائع کے مطابق وزیراعظم شہباز شریف سے پیپلز پارٹی کے وفد کی ملاقات کی اندرونی کہانی سامنے آ گئی۔ پیپلز پارٹی وفد نے بجٹ منظوری میں حکومت کومکمل تعاون کی یقین دہانی کرائی اور عوام کو ریلیف دینے کیلئے اپنی تجاویزپیش کیں۔ وفد نے سرکاری ملازمین کی تنخواہوں اور پینشن میں بیس سے پچیس فیصد اضافے کا مطالبہ کیا۔
ٹی 20 ورلڈکپ 2024، قومی ٹیم کی’میٹریکس شرٹ‘ مارکیٹ میں فروخت ہونے کیلئے دستیاب
ذرائع کے مطابق وزیراعظم نے کہا کہ اپنے وسائل میں رہتے ہوئے تنخواہوں میں اضافہ کریں گے، وفد نے سندھ میں ترقیاتی منصوبوں کیلئے فنڈز کی فراہمی تیز کرنے کا بھی مطالبہ کیا۔
پیپلز پارٹی کے ذرائع نے کہا ہے کہ وزیر اعظم شہباز شریف کے ساتھ پیپلز پارٹی وفد کی ملاقات پی پی ہی کی درخواست پر ہوئی تھی۔ ذرائع پیپلز پارٹی کے مطابق پی پی نے وزیر اعظم شہباز شریف سے آئندہ بجٹ کے سلسلے میں ملاقات کی درخواست کی تھی، اور ان سے عوام دوست بجٹ دینے کا مطالبہ کیا۔
ذرائع نے بتایا کہ وزیراعظم نے پیپلز پارٹی وفد کو آئندہ وفاقی بجٹ پر بریفنگ دی، جب کہ پی پی نے وفاقی بجٹ سے متعلق اپنے مطالبات پیش کیے، اس ملاقات میں پیپلز پارٹی نے سندھ کا مقدمہ لڑا، اور مطالبہ کیا کہ وفاقی بجٹ میں سندھ کے لیے مختص فنڈ بڑھایا جائے۔
کینیڈا نے ویزہ پالیسی میں آسانی کر دی
پیپلز پارٹی نے بجٹ میں سندھ کے ترقیاتی منصوبوں کی تعداد بڑھانے، اور سندھ سیلاب متاثرین کے لیے فنڈز مختص کرنے کا مطالبہ کیا، پی پی کا موقف تھا کہ گزشتہ سال سیلاب متاثرین کے لیے فنڈز کم رکھے گئے تھے۔ ذرائع کے مطابق وزیر اعظم نے پیپلز پارٹی کے وفد کو مطالبات پر مشاورت کی یقین دہانی کرائی۔
