پنجاب بھر میں موٹر سائیکل اور گاڑیوں کی ٹرانسفرفیس میں 10 فیصداضافے کا فیصلہ کر لیا گیا، محکمہ ایکسائزنے موٹروہیکل ٹرانسفرفیس میں اضافے کی سمری ارسال کردی۔
موٹر سائیکل کی ٹرانسفر فیس 150سے500روپے کی جائے گی جبکہ 1ہزار سی سی کارکی ٹرانسفرفیس 1200 سے2500روپے مقررکی جائے گی۔ اس طرح موٹر سائیکل اور گاڑیوں کی ٹرانسفر فیس میں اضافے کا امکان ہے۔
کمرشل گاڑی کی ٹرانسفرفیس 4 سے5ہزارروپے کی جائے گی جبکہ 1000سی سی سے 1800سی سی تک گاڑی کی ٹرانسفرفیس 2 سے 5 ہزار اور اس کے علاوہ 1800سی سی سے اوپروالی گاڑی کی ٹرانسفرفیس3سے10ہزارمقررکرنے کی سفارشات بھیج دی گئیں۔
بھارتی اسمگلر کی پاکستان میں داخلے کی کوشش ناکام، رنگے ہاتھوں گرفتار
واضح رہے کہ اس سے قبل محکمہ ایکسائز پنجاب نے گاڑیوں کے لئے کمپیوٹرائزڈ نمبر پلیٹس کے اجراء کے عمل کی جامع تشکیل نو شروع کر دی تھی،محکمہ ایکسائز اینڈ ٹیکسیشن پنجاب نے گاڑیوں کیلئے متعارف کروائی گئی کمپیوٹرائزڈ نمبر پلیٹس کا اجرا روکتے ہوئے شہریوں کو گاڑیوں کی نمبر پلیٹس کسی بھی جگہ سے خود بنوانے کی اجازت دیدی تھی۔
گزشتہ ماہ بھی محکمہ ایکسائز پنجاب نے گاڑیوں کے رجسٹریشن کارڈ کی فیس میں ڈیڑھ گنا اضافہ کردیا تھا،محکمہ ایکسائز نے صارفین پر 770روپے کا بوجھ ڈال دیاتھا، محکمہ ایکسائز اس سے قبل 530روپے کارڈ کی فیس وصول کرتا تھا۔
