مری میں انتظامیہ نے آپریشن کرتے ہوئے کئی غیر قانونی پلازے اور دیگر تعمیرات منہدم کر دیں ، کارروائی کے دوران شرپسندوں کے حملے میں ایک سرکاری اہلکار زخمی ہو گیا۔
وزیراعلیٰ پنجاب کی ہدایت پر مری میں تجاوزات اور جنگل کی زمین پر غیر قانونی تعمیرات کے خلاف آپریشن کیا گیا۔
اسلام آباد، سبزی منڈی میں تجاوزات کیخلاف آپریشن، 13 افراد گرفتار
بانسرہ گلی،کارٹ روڈ، شارٹ کٹ روڈ، اپر جھیکا گلی روڈ، سرکٹ روڈ، لکوٹ ایکسپریس وے، دریا گلی، شیوالا میں کارروائی کی گئی اور انتظامیہ نے کئی پلازے گرانے کے ساتھ غیر قانونی عمارتیں اور تعمیرات منہدم کر دیں۔
کارروائی کے دوران انسداد تجاوزات انتظامیہ اور عملے پر شرپسندوں نے حملہ کر دیا، جس میں پتھر لگنے سے دانیال نامی اہلکار زخمی ہو گیا ، پولیس نے ایف آئی آر درج کرکے حملہ آوروں کی گرفتاری کے لیے چھاپے مارنا شروع کر دیئے۔
اسلام آباد میں تجاوزات کے خلاف بڑا کریک ڈاؤن کرنے کا فیصلہ
دوسری جانب سینئر صوبائی وزیرِ پنجاب مریم اورنگزیب نے ہدایت کی ہے کہ مری میں پولیس پر حملہ کرنے والوں کے خلاف سخت قانونی کارروائی کی جائے۔
