لاہور: سابق چیئرمین پاکستان کرکٹ بورڈ (پی سی بی) شہریار خان انتقال کر گئے۔
خاندانی ذرائع کے مطابق سابق چیئرمین پی سی بی شہریار خان کچھ عرصے سے علیل تھے اور آج ان کا لاہور میں انتقال ہو گیا۔
شہر یار خان کی عمر 89 برس تھی اور وہ دو مرتبہ پاکستان کرکٹ بورڈ کے چیئرمین رہ چکے تھے۔ شہریار خان سابق سفارتکار اور سابق سیکرٹری خارجہ بھی رہے۔
یہ بھی پڑھیں: قومی اسکواڈ کے انتخاب میں میری سفارش بھی نہ مانی جائے، چیئرمین پی سی بی
شہر یار خان کی میت کراچی لے جائی جائے گی جہاں ان کی تدفین ہو گی۔
