معروف اداکار ہمایوں سعید نے کہا ہے کہ ناقدین جتنی مرضی ان پر تنقید کرلیں لیکن اس کے باوجود لوگ سب سے زیادہ ان کی ہی فلمیں دیکھتے ہیں۔
ہمایوں سعید نے حال ہی میں ایک نجی ٹی وی کے شو میں گفتگو کرتے ہوئے کہا کہ ہمارے یہاں ہر کامیاب شخص پر تنقید کی جاتی ہے، اسے مختلف تنازعات میں پھنسا دیا جاتا ہے اور یہ سب وہی لوگ کرتے ہیں جو اس کامیاب شخص سے شہرت میں کم ہوتے ہیں، ہمیشہ ہم سے نیچے درجے کے لوگ ہی ہم پر تنقید کرتے ہیں۔
اداکار کا کہنا تھا کہ کبھی بھی آپ سے زیادہ کامیاب لوگ آپ پر تنقید نہیں کرتے تاہم انہوں نے کہا تنقید ہمیشہ کامیاب لوگوں پر ہی ہوتی ہے۔
انٹرویو میں انتہائی ذاتی باتیں کرنا میری غلطی تھی، امر خان
ہمایوں سعید نے کہا کہ کچھ لوگ میری عمر کی وجہ سے تنقید کرتے ہیں کہ ہمیشہ مجھے ہی کیوں فلم میں ہیرو دکھایا جاتا ہے تو یہاں میں ان لوگوں کے لیے یہ کہنا چاہتا ہوں کہ جس دن لوگ ٹکٹ خرید کر مجھے دیکھنا چھوڑ دیں گے تو اس دن سمجھ جاؤں گا کہ میں اب ہیرو نہیں رہا۔
انہوں نے کہا کہ ناقدین جتنی مرضی تنقید کرلیں لیکن اس کے باوجود بھی لوگ پیسے خرچ کرکے سب سے زیادہ میری ہی فلمیں دیکھنے سینما گھروں میں آتے ہیں۔
