الیکشن کمیشن آف پاکستان (ای سی پی) کی طرف سے صدارتی الیکشن کا شیڈول جاری کردیا گیا۔
ای سی پی نے صدارتی الیکشن 9 مارچ کو کرانے کا فیصلہ کرلیا، صدارتی الیکشن کیلئے 2 مارچ دن 12 بجے تک کاغذات جمع کرائے جاسکیں گے۔
الیکشن کمیشن کے مطابق کاغذات نامزدگی کی اسکروٹنی 4 مارچ کو ہوگی۔ صدارت کے امیدواروں کی فہرست 5 مارچ کو 1 بجے آویزاں کی جائے گی اور 9 مارچ کو صدارتی الیکشن ہو گا۔
اسپیکر اور ڈپٹی اسپیکر قومی اسمبلی کا انتخاب آج ہو گا
شیڈول میں مزید بتایا گیا کہ صدارتی الیکشن کے لیے پولنگ پارلیمنٹ ہاؤس اور چاروں صوبائی اسمبلیوں میں ہوگی۔ آئین کے مطابق صدارتی انتخاب کا ریٹرننگ افسر چیف الیکشن کمشنر ہوتا ہے۔
دوسری طرف قومی اسمبلی کے نئے اسپیکر اور ڈپٹی اسپیکر کا انتخاب آج ہورہا ہے جس کے لیے اراکین قومی اسمبلی کی آمد کا سلسلہ جاری ہے۔ اسپیکر اسمبلی کیلئے مسلم لیگ (ن) کے رہنما سردار ایاز صادق جبکہ پیپلز پارٹی کے غلام مصطفیٰ شاہ ڈپٹی اسپیکر کے امیدوار ہیں۔
