فاسٹ باولر شاہین آفریدی نے کہا ہے کہ ٹیم مینجمنٹ نے ورک لوڈ کو مدنظر رکھتے ہوئے مجھے سڈنی ٹیسٹ میں آرام دیا ہے۔
سڈنی میں نجی سپورٹس چینل کو انٹرویو میں نوجوان کرکٹر نے کہا کہ آسٹریلیا میں ابتدائی دو میچز کے دوران بے شمار اوورز کیے تھے جسکی وجہ سے ٹیم مینجمنٹ نے آرام دینے کا فیصلہ کیا ہے۔
تئیس سالہ کرکٹر نے کہا آسٹریلیا میں زیادہ وکٹیں لے سکتا تھا لیکن بدقسمت رہا اور کیچز بھی ڈراپ ہوئے،شاہین آفریدی نے مچل سٹارک اور ٹرینٹ بولٹ کو اپنا پسندیدہ باولر قرار دیا۔
ان کا کہنا تھا کہ ٹی ٹوئنٹی فارمیٹ میں پاکستان کی قیادت کرنا اعزاز کی بات ہے۔
