عام انتخابات 2024 کے پیشِ نظر اسلام آبادکے سرکاری اداروں کے افسران اور عہدیداروں کی چھٹیوں پرپابندی عائد کر دی گئی۔
تفصیلات کے مطابق ڈسٹرکٹ ریٹرننگ افسر(ڈی آر او) اسلام آباد نے الیکشن کمیشن کی ہدایت پر چھٹیوں پر پابندی عائد کی۔ ڈی آر او کی ہدایت کے مطابق محکمہ تعلیم کے افسران اور ملازمین اسلام آباد چھوڑ کر نہیں جائیں گے۔
الیکشن 2024: ریٹرننگ افسران کی تربیت دوبارہ شروع، ملازمین کی چھٹیوں پر پابندی
اس کے علاوہ ڈی آر او کی جانب سے کہا گیا ہے کہ الیکشن کمیشن کی ہدایت پر فیڈرل ڈائریکٹوریٹ آف ایجوکیشن کے آفیشلز اسلام آباد میں رہیں گے۔
واضح رہے کہ ڈی آر اوز اور آر اوز کی ٹریننگ ملک بھرمیں شروع کردی گئی ہے جو کہ 19دسمبرکو مکمل کرلی جائیگی، 859ریٹرننگ آفیسرز،144ڈسٹرکٹ ریٹرننگ آفیسرزکوٹریننگ دی جارہی ہے۔
