کراچی کے بعد ملتان میں بھی چینی کی قیمت میں مزید اضافہ ہو گیا ہے۔
ایک ہفتے کے دوران مارکیٹ میں چینی کی فی کلو قیمت میں 10 روپے اضافہ ہو گیا ہے، مارکیٹ میں چینی 150 روپے کلو تک فروخت ہو رہی ہے۔
بعض جگہوں پر چینی 145 روپے جبکہ بعض جگہوں پر 150 روپے میں فروخت ہو رہی ہے، یوٹیلٹی اسٹورز پر چینی عام مارکیٹ سے مہنگی 155 روپے کلو فروخت ہو رہی ہے۔
سوئس کمپنی کا پاکستان میں 10 کروڑ ڈالر کی سرمایہ کاری کا معاہدہ
چینی کی قیمت پر دکانداروں کا کہنا تھا کہ منڈی سے 6800 کا تھیلا لاتے ہیں،فی کلو کے پیچھے ہمیں صرف ایک دو روپے ہی بچتے ہیں۔
واضح رہے کہ گزشتہ چار روز میں چینی کی قیمت میں 12 روپے اضافہ ہوا ہے جس سے چینی کی فی کلو قیمت 140 روپے تک پہنچ گئی ہے۔
