پاکستان کرکٹ بورڈ نے سابق کپتان محمد حفیظ کو پاکستان کی مینز کرکٹ ٹیم کا ڈائریکٹر مقرر کردیا ہے۔
پی سی بی اعلامیے کے مطابق محمد حفیظ نے 55 ٹیسٹ218 ون ڈے اور 119ٹی ٹوئنٹی انٹرنیشنل میچوں میں پاکستان کی نمائندگی کرتے ہوئے مجموعی طور پر12780 رنز بنائے اور253 وکٹیں حاصل کیں۔
وہ حال ہی میں پاکستان کرکٹ بورڈ کی ٹیکینکل کمیٹی کے رکن بھی رہے ہیں۔
محمد حفیظ اس ٹیم کا حصہ تھے جس نے 2017 میں انگلینڈ میں منعقدہ آئی سی سی چیمپئنز ٹرافی جیتی تھی۔
دوسری جانب بابراعظم نے تینوں فارمیٹ میں کپتانی سے دستبرداری کا اعلان کر دیا ہے۔
ذکا اشرف سے ملاقات کے بعد ٹوئٹر سے جاری اپنے بیان میں بابراعظم نے کہا کہ مجھے وہ لمحہ اچھی طرح یاد ہے جب مجھے 2019 میں پاکستان کی قیادت کرنے کیلئے پاکستان کرکٹ بورڈ (پی سی بی )کی کی جانب سے کال موصول ہوئی تھی۔
بابر اعظم کے مداحوں کی ہانیہ عامر کو بھابھی بنانے کی خواہش، اداکارہ کا انکار
گزشتہ چار سالوں میں میں نے میدان کے اندر اور باہر بہت سے نشیب و فراز کا تجربہ کیا ہے، لیکن میں نے دل و جان سے اور جذبے کے ساتھ کرکٹ کی دنیا میں پاکستان کے وقار کو برقرار رکھنے کی کوشش کی ہے۔
ان کا مزید کہنا تھا کہ وائٹ بال فارمیٹ میں نمبرون پوزیشن تک پہنچنا، کھلاڑیوں، کوچز اور انتظامیہ کی اجتماعی کاوشوں کا نتیجہ ہے لیکن میں اس سفر کے دوران غیر متزلزل حمایت پر پرجوش پاکستانی کرکٹ شائقین کا شکریہ ادا کرنا چاہتا ہوں۔
