ایجو کیشن بورڈز کمیٹی کے اجلاس میں آئندہ سال میٹرک کے سالانہ امتحانات کے شیڈول کی منظوری دیدی گئی ہے ۔
میڈیا رپورٹس کے مطابق پنجاب کے تمام تعلیمی بورڈز کے زیر اہتمام میٹرک (دسویں کلاس) کے سالانہ امتحانات یکم مارچ 2024 سے شروع ہوں گے۔
فیسیں جمع کرانے کا شیڈول بھی تیار کر لیا گیا، شیڈول کے مطابق سنگل فیس کے ساتھ داخلہ 15 نومبر سے 12 دسمبر تک جمع کرائی جاسکیں گی۔
ڈبل فیس کے ساتھ داخلہ فیس 13 دسمبر سے 25 دسمبر تک اور ٹرپل فیس کے ساتھ داخلہ جمع کرانے کی تاریخ 26 دسمبر سے 3 جنوری تک مقرر کی گئی ہے ۔
تمام پرائیویٹ سکولز کے سربراہان کو بر وقت شیڈول کے مطابق داخلے جمع کرانے کی ہدایات جاری کی گئی ہیں۔