توشہ خانہ ، 190 ملین پاؤنڈ سکینڈل ، بشریٰ بی بی کی ضمانت میں 31 اکتوبر تک توسیع


چیئرمین پی ٹی آئی کی اہلیہ  بشریٰ بی بی کی توشہ خانہ اور 190 ملین پاؤنڈ سکینڈل میں ضمانتوں میں توسیع کر لی گئی۔

بشریٰ بی بی اپنے وکیل کے ہمراہ توشہ خانہ اور 190 ملین پاؤنڈ سکینڈل میں اسلام آباد کی احتساب عدالت میں پیش ہوئیں۔

دوران سماعت وکیل لطیف کھوسہ نے ڈیوٹی جج راجہ جواد عباس سے استفسار کیا کہ کافی عرصہ ہوگیا آپ کو دیکھا نہیں جس پر جج نے جواب دیتے ہوئے کہا کہ اب نارکوٹکس کی عدالت کا انچارج مل گیا ہے۔

آڈیو لیک ، بشریٰ بی بی نے اسلام آباد ہائیکورٹ سے رجوع کر لیا

وکیل نے موقف پیش کیا کہ جس دن احتساب عدالت نے درخواست ضمانت نمٹائی اسی دن نیب نے نیا نوٹس بھیج دیا، ڈیوٹی جج نے پوچھا، بشریٰ بی بی کہاں ہیں؟

ڈیوٹی جج نے بعد ازاں بشریٰ بی بی کو روسٹرم پر بلا لیا جس پر سابق خاتون اول روسٹرم پر آ گئیں تاہم اس سے قبل جوڈیشل کمپلیکس کی کسی عدالت میں بشریٰ بی بی روسٹرم پر نہیں آئیں۔

بعدازاں عدالت نے بشریٰ بی بی کی 5، 5 لاکھ روپے کے مچلکوں کے عوض توشہ خانہ اور 190 ملین پاؤنڈ سکینڈل میں ضمانتوں میں 31 اکتوبر تک توسیع کر دی۔


ٹیگز :
متعلقہ خبریں