آئی سی سی ورلڈ کپ کے جس میچ کا دنیا بے چینی سے انتظار کرتی ہے وہ آج چند گھنٹوں بعدکھیلے جانے والا ہے۔
دنیا بھر میں موجود شائقین کی نظریں پاکستان بھارت میچ پر لگی ہوئی ہیں جو احمد آباد کے نریندرا مودی اسٹیڈیم میں ہونے والا ہے جس میں پاکستان جیت کیلئے پر عزم ہے۔
یہ دس سال کے طویل عرصے بعد دونوں ٹیموں کے درمیان بھارتی سرزمین پر کھیلا جانے والا پہلا ون ڈے انٹرنیشنل میچ ہے۔
کسی ٹیم کو اس کے ہوم گراؤنڈ میں شکست دینے کا مزہ الگ ہے،شاہین شاہ آفریدی
آخری بار پاکستانی ٹیم نے انڈیا میں دو طرفہ ون ڈے سیریز دو ایک سے جیتی تھی،اس ورلڈ کپ میں دونوں ٹیمیں اپنے ابتدائی دونوں میچ جیتنے کے بعد ایک دوسرے کے سامنے آرہی ہیں۔
بھارت نے آسٹریلیا اور افغانستان کو ہرایا ہے جبکہ پاکستان نے حیدرآباد میں ہالینڈ اور سری لنکا کوشکست دی ہے۔
