فیصل آباد بجلی کا بل اور کرایہ زیادہ آنے پر 50سالہ شخص نے خودکشی کرلی،جبکہ پولیس اہلکار کی پولیس لائن میں پراسرار ہلاکت بھی معمہ بن گئی۔
تھانہ فیکٹری ایریا کے علاقہ کاٹن ملز ٹاٹا بازار کا رہائشی 50سالہ زاہدمحمود کرائے کے مکان میں رہتاتھا، گذشتہ روز بجلی کابل زیادہ آنے پرگندم میں رکھنے والی گولیاں کھا کرخود کشی کرلی۔
اس کی اہلیہ نسیم بی بی نے بتایا کہ میرا شوہر بجلی کا بل اور مکان کے کرائے سے پریشان تھا، پولیس نے ر پورٹ درج کرکے کارروائی شروع کردی ہے۔
راولپنڈی میں غربت سے تنگ 2 بچیوں کے باپ نے خودکشی کر لی
اس کے علاوہ تھانہ گلبرگ کا اے ایس آئی آفتاب ڈیوٹی کے بعد پولیس لائن میں آرام کیلئے اپنے کمرے میں سویا ہوا تھا کہ اچانک طبیعت خراب ہو ئی، سرکاری ایمبولینس میں الائید ہسپتال شفٹ کیا گیا۔
ڈاکٹروں نے چیک اپ کے بعد بتایا کہ اے ایس آئی فو ت ہو چکے ہیں جبکہ ساتھیوں کا کہنا ہے کہ اے ایس آئی دل کے مریض تھے،ان کہنا تھا کہ مو ت ہا رٹ اٹیک سے ہو ئی۔
