اسلام آباد ہائی کورٹ میں شہریار آفریدی اور شاندانہ گلزار کی ایم پی او کے تحت گرفتاری کے خلاف درخواست کی سماعت ہوئی۔
ڈپٹی کمشنر اسلام آبادعرفان میمن کو اسلام آباد ہائی کورٹ نے 3 ایم پی او کے اختیارات استعمال کرنے سے تا حکم ثانی روک دیا ہے۔
جسٹس بابر ستار نے سماعت کے دوران استفسار کیا کہ ڈپٹی کمشنر بطور ڈسٹرکٹ مجسٹریٹ کس اختیار کے تحت ایم پی او آرڈرز جاری کر رہے ہیں؟
لاء افسر نے اس موقع پر ملٹری ڈکٹیٹر دور کا 1965ء کا نوٹیفکیشنعدالت کے سامنے پیش کیا۔
ایم پی او آرڈر معطل ، اسلام آباد ہائیکورٹ نے شہریار آفریدی کو گھر جانے کی اجازت دیدی
اسٹیٹ کونسل کے جواب کو غیر تسلی بخش دیتے ہوئے اسلام آباد ہائی کورٹ نے معاونت کے لئے اٹارنی جنرل کو نوٹس جاری کر دیا ہے۔
اس موقع پر عدالت نے ڈپٹی کمشنر اسلام آباد کو حکم دیتے ہوئے کہاکہ آپ آئندہ سماعت تک ایم پی او کا کوئی آرڈر پاس نہیں کریں گے۔
بعد ازاں عدالت نے شہریار آفریدی اور شاندانہ گلزار کو کسی بھی کیس میں گرفتار نہ کرنے کے حکم میں توسیع کرتے ہوئے سماعت ملتوی کردی۔
