پاکستان اور بھارت کے درمیان 10 ستمبر کو سری لنکا کے شہر کولمبو میں کھیلے جانے والے میچ میں گرج چمک کے ساتھ بارش کا امکان ہے، پاکستان اور سری لنکا کا میچ بھی واش آوٹ ہوسکتا ہے۔
پاکستان کی میزبانی میں کھیلے جانے والے ایشیا کپ کے سپر فور مرحلے کا آغاز آج سے لاہور کے قذافی اسٹیڈیم میں ہورہا ہے۔ اس مرحلے کے پہلے میچ میں بنگلہ دیش اور پاکستان کی ٹیمیں آپس میں ٹکرائیں گی۔
قومی کرکٹ ٹیم سپر فور مرحلے کا اپنا دوسرا میچ 10 ستمبر کو بھارت کے خلاف کولمبو کے پریمیداسا اسٹیڈیم میں کھیلے گی۔ دونوں ٹیموں کیلئے ٹورنامنٹ کے فائنل تک رسائی کیلئے یہ میچ کافی اہمیت کا حامل ہوگا۔
ایشیا کپ، اے سی سی نے وینیو کولمبو برقرار رکھنے کا یکطرفہ فیصلہ کرلیا
اس کے باوجود پاک بھارت ٹاکرے کو لے کر کرکٹ شائقین کا جذبہ ماند پڑتا جارہا ہے جس کی وجہ کولمبو میں طوفانی بارشوں کے باعث سیلابی صورتحال ہے۔ پاکستان اور بھارت کے درمیان سپر فور میچ کے دوران کولمبو میں گرج چمک کے ساتھ بارش کا امکان ہے۔
موسم کا حال دیکھنے والوں کے مطابق میچ کے دن بارش کا امکان 75 فیصد جبکہ رات کے وقت بارش کا امکان 95 فیصد تک بڑھ جائے گا۔ اس وجہ سے شائقین بہت کم ایکشن اور ممکنہ واش آؤٹ کی توقع کرسکتے ہیں۔
پاک بھارت میچ بارش کے باعث متاثر ہونے کی صورت میں دونوں ٹیموں کو 1،1 پوائنٹ دیا جائے گا۔ اس طرح دونوں ٹیموں کیلئے فائنل تک رسائی کیلئے اپنے بقیہ دونوں میچز جیتنا ضروری ہوجائیں گے۔
ایشیا کپ سپرفور مرحلے کا پہلا میچ، آج پاکستان اور بنگلہ دیش مدمقابل
خیال رہے کہ گزشتہ روز ایشین کرکٹ کونسل (اے سی سی) کے یکطرفہ فیصلے کے بعد ایشیا کپ کے بقیہ میچز ہمبنٹوٹا کے بجائے کولمبو میں ہی کرانے کا کہا گیا تھا۔
