ایکواڈور: جنوبی امریکہ کے ملک ایکواڈور کے صدارتی امیدوار فرنینڈو ولاسینسیو کو انتخابی ریلی کے دوران قتل کر دیا گیا۔
غیر ملکی خبر رساں ایجنسی کے مطابق ایکواڈور کے صدارتی امیدوار فرنینڈو ولاسینسیو کو ریلی کے بعد کار میں بیٹھتے ہوئے ایک شخص نے سر میں گولی مار کر قتل کر دیا۔
ایکواڈور کے موجودہ صدر نے صدارتی امیدوار کے قتل کی تصدیق کر دی۔ فرنینڈو ولاسینسیو ایکواڈور کی نیشنل اسمبلی کے رکن بھی تھے۔
یہ بھی پڑھیں: سابق پاکستانی وزیر اعظم کیخلاف کسی سازش میں ملوث نہیں، امریکہ
رپورٹس کے مطابق ایکواڈور میں منشیات فروخت کرنے والے گروہوں کی بڑھتی ہوئی تعداد کی وجہ سے پرتشدد جرائم میں اضافہ ہوا ہے جس کہ وجہ سے صدارتی مہم میں مشکلات پیش آرہی ہیں۔
واضح رہے کہ ایکواڈور میں صدارتی اتنخابات 20 اگست کو ہونے ہیں۔
