یہ بھی ہوسکتا ہے کہ نگراں وزیراعظم کا نام لسٹ میں ہی نہ ہو، خواجہ آصف

وزیر دفاع خواجہ آصف نے کہا ہے کہ نگران وزیراعظم کیلئے بہت سارے نام آ رہے ہیں، نگراں وزیراعظم ایسا بھی ہوسکتا ہے جس کا لسٹ میں نام نہ ہو۔

نجی ٹی وی چینل سے گفتگو کرتے ہوئے انہوں نے نگراں وزیراعظم کے نام سے متعلق اظہار خیال کیا۔ انہوں نے کہا کہ بہت سے لوگ نگران وزیراعظم بننے کے خواہش مند ہیں، لوگوں کی رالیں ٹپک رہی ہیں۔ میرا اندازہ ہے کہ لوگوں کا خیال ہے نگران حکومت لمبی چلے گی، اسی لیے لوگ اس میں زیادہ دلچسپی رکھتے ہیں۔

خواجہ آصف کا کہنا تھا کہ راجہ ریاض قومی اسمبلی میں  قائد حزب اختلاف ہیں اور آئین کے مطابق ان سے مشاورت ضروری ہے جس بغیر کچھ نہیں ہو سکتا۔ ہو سکتا ہے کہ کوئی ایسا شخص نگران وزیراعظم بن جائے جس کا نام فہرست میں شامل ہی نہ ہو۔

نگران وزیراعظم کیلئے جو نام بھیجا وہ معاشی ماہر ہے، راجہ ریاض