قومی ٹیم کے سابق کپتان شاہد خان آفریدی کی بڑی بیٹی اقصیٰ کی رخصتی کی تقریب کراچی میں جمعہ کی شب ہوئی جس کی تصاویر انہو ں نے ٹوئٹر پر جاری کر دی ہیں۔
اس موقع پر انہوں نے اپنے پیغام میں لکھا کہ میری پیاری بیٹی، ابھی بھی کل کی طرح لگتا ہے، جب میں نے تمہیں اپنی بانہوں میں کھلایا، اُس دن میں نے خود سے وعدہ کیا تھا کہ تمہارا ساتھ کبھی نہیں چھوڑوں گا۔
انہوں نے مزید لکھا کہ اگرچہ آپ اپنی زندگی میں ایک نیا باب شروع کرنے جارہی ہیں، لیکن آپ ہمیشہ میرے دل میں رہیں گی کیونکہ میں وہ آدمی ہوں جس نے آپ سے سب سے پہلے پیار کیا۔
Meri pyari beti- it seems like yesterday when I cradled you in my arms – and on that day, I promised myself I would never leave your side. Although you’re about to begin a new chapter in your life, you’ll always have my heart because I’m the man who loved you first. 😌 May Allah… pic.twitter.com/CdhniCJW8b
— Shahid Afridi (@SAfridiOfficial) July 8, 2023
انہوں نے بیٹی اور داماد کے لئے لکھا کہ اللہ آپ دونوں کو اپنی حفاظت میں رکھے اور آپ کو ایک ساتھ ایک خوبصورت زندگی گزارنے کا موقع عطا فرمائے، آمین۔
واضح رہے کہ ان کی بڑی بیٹی اقصیٰ اور نصیر کا نکاح گزشتہ برس دسمبر میں ہوا تھا، شاہد آفریدی کی بیٹی کی شادی کی تقریب میں بابر اعظم، محمد رضوان، امام الحق، شان مسعود، سرفراز احمد، حسن علی، عامر جمال، اعظم خان، سابق کرکٹرز معین خان، ارشد خان، محمد اکرم اور وقار یونس شریک ہوئے۔
