پنجاب حکومت نے ضرورت مند فنکاروں سے آرٹسٹ سپورٹ فنڈ کے لیے درخواستیں مانگ لی ہیں۔
ایسے فنکارجن کی ماہانہ آمدن 35 ہزار سے کم ہے وہ درخواست دینے کے اہل ہیں۔
مردفنکاروں کی عمر کم سے کم 50 برس خواتین کے لیے45 سال مقرر کی گئی ہے جبکہ معذور افراد کے لئے کوئی شرط نہیں رکھی گئی۔
پنجاب: معاشی بدحالی کا شکار فنکاروں کی مدد کا دوسرا مرحلہ شروع
ہمارے فنکاروں کے لئے کوئی مخصوص فنڈز نہ رکھنے کی وجہ سے کئی بڑے بڑے نام کسمپرسی کی زندگی گزارنے پر مجبور ہوئے اور اسی حالت میں وفات پا گئے۔
حکومت کی جانب سے کئی فنکاروں کے علاج معالجے کے لئے ان کی مالی معاونت بھی کی گئی لیکن یہ اسی وقت ہوتا جب وہ بستر مرگ پر پہنچ چکے ہوتے ہیں، اب حکومت نے آرٹسٹ سپورٹ فنڈ کا قیام عمل میں لا کر فنکاروں کے لئے انتہائی اچھا اقدام اٹھایا ہے۔
