سابق کپتان قومی کرکٹ ٹیم عامر سہیل نے نجم سیٹھی کو کام سے روکنے کے لئے وزارت بین الصوبائی رابطہ کو لیگل نوٹس بھیج دیا ہے۔
عامر سہیل نے نجم سیٹھی کی موجودہ مینجمنٹ کمیٹی کو مزید کام کرنے سے روکنے کا مطالبہ کردیا ہے، لیگل نوٹس کے متن کے مطابق موجودہ مینجمنٹ کمیٹی مزید کام کرنے کی اہل نہیں رہی۔
چیئرمین پی سی بی کے لئے ذکاء اشرف اور مصطفی رمدے کا نام بھجوائے جانے کا امکان
عامر سہیل نے دعویٰ کیا ہے کہ پی سی بی مینجمنٹ کمیٹی کی مدت 19 جون کو ختم ہوچکی ہے،قانونی نوٹس کے مطابق نجم سیٹھی اور ان کی مینجمنٹ کو اختیار نہیں کہ وہ پی سی بی میں کام جاری رکھ سکے۔
لیگل نوٹس میں کہا گیا ہے کہ وزارت بین الصوبائی رابطہ فوری طور پرنجم سیٹھی اور مینجمنٹ کمیٹی کو کام سے روکے۔
