بشری بی بی کو کل اسلام آباد نیب عدالت نے طلب کر لیا

بشریٰ بی بی

القادر ٹرسٹ کیس میں سابق وزیراعٖظم عمران خان کی اہلیہ بشریٰ بی بی کو کل اسلام آباد نیب عدالت نے طلب کر لیا۔

قومی احتساب بیورو (نیب) کی 3 رکنی ٹیم القادر ٹرسٹ کیس کے سلسلے میں آج زمان پارک، لاہور پہنچی۔ نیب ٹیم نیشنل کرائم ایجنسی اسکینڈل کیس میں بشریٰ بی بی کو نوٹس دینے پہنچی۔

نیب کی جانب سے بشریٰ بی بی کو کل نیب عدالت میں طلب کرلیا گیا۔ زمان پارک کے ذرائع کے مطابق پاکستان تحریک انصاف (پی ٹی آئی) کی لیگل ٹیم نیب سے نوٹس وصول کرے گی۔

عمران خان 18مئی کو نیب میں ذاتی حیثیت میں طلب

اسلام آباد ہائیکورٹ کی طرف سے چیئرمین پی ٹی آئی عمران خان کو بھی شامل تفتیش ہونے کی ہدایت کی گئی ہے۔

اس سے قبل لاہور ہائیکورٹ نے بشریٰ بی بی سے متعلق انکوائری میں 23 مئی تک حفاظتی ضمانت منظور کی تھی۔


متعلقہ خبریں